QUERELLE ENTRE MM. D'ESTERNAÎ ET DE FOISSY

Sire .

La ruze de tous ceulx qui, depuis dix ans, ont dressé les séditions en vostre royaulme pour le partager, a esté telle qu'ilz ont cuydé couvrir leurs faultes irrémissibles de paroles envenimées, et par mensonges imputant leurs mesmes crimes à ceulx qu'ilz avoient offencés ou vouloient exterminer. Pour ceste cause, et sachant comme je suis odieux à ceste gent, je vous supplyay, en prenant congé de voz magestés, que s'ilz m'accusoyent (comme jà Theligny avoit voln commencer), il vous pleust me faire cest honneur de n'en rien croire, jusques à ce que je fusse ouy en mes justifications, vous asseurant que je vouloy estre si diligent exécuteur de voz éédictz, que, s'il se trouvoit que j'y eusse contrevenu , je représenteroy tousjours ma teste devant voz piedz, comme vostre très humble et très obéissant subject, pour en souffrir rigoureuse punition, sans vous en demander aulcung pardon. Puisque donc il vous a pieu, sire, me faire cest honneur de me mander la plainte que le sieur d'Esternay a faict faire à voz majes tez, il me semble que vous désirez en sçavoir la vérité par ma bouche, et vous supplie très humblement ne trouver movais que je vous en discoure le faict au vray. Qui est tel : que Foissy partit de Paris en poste avec cinq chevaulx tant seulement, et arriva fort malade à Bray; que le sr d'Esternay, en estant adverli, dépescha de tous costez vers ses amys, les priant (en ces termes et par lectres) de le venir trouver avec leurs armes le samedi au giste ou dimanche à disner, pour ce qu'il désiroit d'estre assisté de ses bons amys, pour attrapper en chemin Foissy, son bon voisin , qui faisoit le malade à Bray et machinoit quelque chose. Foissy, ayant recouvert trois ou quatre lectres de mesme substance envoyées par ledict Esternay à divers gentilzhommes ses amys, se délibère de prévenir le jour du combat prémédité, et le jeudi au soir, depuis les portes fermées, faict cher cher tous les chevaux de selle de la ville de Bray, et , à faulte de chevaulx de selle, des jumentz et des bastz, et faict tant qu'il monte qui à cheval, qui à jument, sur selles ou sur bastz, vingt et quatre ou vingt et cinq soldatz avecques

luy; part le vendredi matin à la porte ouvrant, cuydant passer son chemin d'emblée et sans estre descouvert. Toutesfois , le sr d'Esternay estoit desjà aux aguetz avec vingt et trois bons chevaulx de service armez de cuirass'es, harquebuz et pistoles, faignant de chasser et l'attendant derrière une vigne proche de son parc, où il estoit embusqué, et failloit que Foissy passast par nécessité. Foissy, adverti assez tart de l'embusche, envoyé six soldatz devant pour la recognoistre de près, et veoyant que cest esquadron de xxm chevaux branloit pour charger les six soldatz, et mesmes qu'ilz avoient desjà tiré harquebuzades, Foissy met chevaux et jumens en bataille et donne droit là; s'apparcevant au mesme instant que le seigneur avoit tellement inspiré les frères , qu'ilz prindrent le chemin de la Mothe aussy viste que s'ilz eussent tiré droit à Aubervillers , et plus viste, ce luy semble, pour ce que les lévriers ne pouvoyent suivre leurs chevaux. Veés là, sire, tout le mal que Foissy a faict pour saulver sa vie et empescher que, alant a vostre service, il ne fust assassiné. Mais ce n'est pas celuy qu'il eust peu faire; car à l'heure mesme Esternay, trouvant la porte fermée , s'alla cacher dedans sa garenne avec cinq ou six, et quittarent les aultres leurs chevaulx pour se cacher dedans les meulles de foing, où il eust esté facile audit Foissy de les tailler en pièces , s'il n'eust pensé offenser voz magestés. Mais il ne se trouvera que l'on ayt à rien touché que à deux lévriers, qui furent pris en laisse par unglacquais, et une faulconnière où l'on prit deux perdreaux. Foissy arriva cependant à Nogent, et, après avoir donné ordre aux affaires qu'il y avoit pour vostre service, partit le landemain pour aler à Pontz et à Méry, s'employant à faire rompre les guez guéyables, donner ordre aux pontz depuis Troyes en çà et mettre les bacz et bateaux en lieu deseureté, sans estre acompagné, oultre son train ordinaire, de plus de 7 ou 8 soldatz, ne que l'on puisse dire qu'il ayt eu avec luy plus grand nombre que de ! 8 chevaulx. Esternay, de son costé, a continué ses amas durant huit jours, a assemblé toutes les églises de Champagne, Brie et Auxerrois, et a mis ensemble 3oo chevaux ou environ, qu'il a départiz en cinq ou six trouppes pour chercher ledit Foissy, et commandoyent à icelles, à ce qu'il a ouy dire, le rappitaine archevesque d'Arles, le cappittaine abbé de S'-Michel sus Tonnerre, et le cappitaine abbé S'-Martin soubz Molesme, et les sires chevalier de Bestune, Bricquemault et Bezancourt, conduisans chascung une trouppe de 5o à 6o chevaulx, cherchans ledit Foissy partout où ilz savoyent qu'il n'estoyt pas, intimidant ce pendant le peuple et cherchant ceulx qui avoyent faict service à vostre mageste soubz la charge dudit Foissy, pour les assassiner, comme vingt et cinq ou trente que ledit Esternay a desjà faict cruelement mourir depuis la paix. Geste rumeur a duré huict jours, et sembloit au pauvre peuple que nions. d'Arles et les trouppes qui estoient ainsi assemblées alassent encores ung coup à la

chasse aux loups. Foissy a tousjours malgré eulx passe son chemin sans s'esmouvoir ny mouvoir le peuple aulcunement, pour ce qu'ilz ne parlovent que de luv et ne faisoyent semblant de toucher le public; combien que par mesme moyen ilz ayent voilé plusieurs passans et ayent vengé aulcunes de leurs particulières quereles contre de pauvres gens. Véez là (sire) tout le faict; c'est le trouble que Foissy a faict à Esternay, ce sont tous les empeschemens et molestes qu'il luv a donnez; mais aussy ce sont les dévotes et bien affectionnées actions que Esternay porte à vostre service. C'est ainsi qu'il vous craint; et comme ayant tant de fois impunément failly, il s'asseure qu'il luy sera tousjours permis de mal faire et qu'il en sera quitte comme les aultres de sa faction sont pour crier les premiers et charger leurs ennemis des crimes qu'ilz ont commis. Je ne vous avoy point encores adverti de ce que dessus, pour ce que le faict me touche en particulier et que je vouloy vous en présenter les informations avec la plainte, de peur qu'il semblast que la passion me transportast et que je vous voulusse payer de paroles, comme les aultres font. Les informations faictes, j'en envoyeray ung double à Monsieur, et si les feray ce pendant décréter, et avant les décretz, les feray exécuter, et, suivant la forme de justice, vous rendray le plus fort, si je n'en suis empesché par défense de voz magestés ou de mondit sieur. Au reste , pour ce que j'ay faict rompre tous les guez de la rivière de Seine depuis Troyes, fors celuy de la Mothe, et que j'ay faict avaler ou monter tous les bacz soubz les pontz gardez , excepté celuy qu'Esternay a faict faire audit lieu de la Mothe depuis voz defiénces et la paix faicte, que je luy ay tolléré de tendre une chesne la nuyt, pour empescher les bateaux avalans et montans qu'il areste quant ilz passent, combien qu'il n'ayt aulcung droit de baac ny de péage, je supplie très humblement voz magestés me mander vostre volunté, si j'ay troublé, molesté et empesché ledit d'Esternay, comme j'en ay le commandement, lequel j'exécuterav, vous faisant obéir là comme ailleurs, s'il vous plaist le me commander.

Sire, je supplie le Créateur vous donner, en très perfaicte santé, très heureuse et très longue vie. A Nogent sur Seine, ce jourd'huy xx aoust i568.

Vostre très humble et très obéissant subject et serviteur,

Foissr.

(Bibl. imp. collect. Hariay, n° 32o, fol. 3 i 7 r°.)