LXI. — Do (il, linge et lange, porto par eaue
Fil, linge ou lange qui est porté par eaue, de Ellebuef Jusques à Rouen, doit .viii deniers de coustume. Et se le fil est à home de Ellebuef, il paiera .un. deniers, tant seulement.
Et se il est porté par desous Roen, par eaue, outre la Roille, il paiera .viii. deniers de coustume.
LXII. — De celi qui n'est pas tenu (païer) le saleire as sergans ne le denier por le tonnel, à iceus meisme.
Il n'est pas acoustumé ne ne doit estre de coustume. en la viscontée de Teaue Rothom., que les sergans de la dite visconté puissent ne ne doient demander leur saleire, por leur servise, à celi qui ara paie les destreis, compleignant soi de aucun, por feire semondre et arrester celi contre qui il voudra pleidier en la court de la viscontée de l'eaue de Roen. Mes se le compleignant, qui ara paie les destrois desus dis, aura voulu donner aucune chose au sergant, par sa cortoisie et par sa débonnèreté, sans nul contreignement, le sergant porra bien prendre don soufisant d'iceli, se il li donne en la manière desus dite.
Item, les dis sergans ne doivent pas avoir le denier des tonneaux venans à Rouen en nef ou en })atel. se il n'en i a .V. tonneaus, au moins que il i en puisse avoir, ja ce soitil que le Roi en eit, de chascun tonnel, .xvi. deniers de coustume. Et se les vins viennent de desus Meante, l'en en paiera a serjans .x. deniers, por toute la navée ou la batelée ; et se il viennent de desous Meante, l'en n'en paèra que .v. deniers as sergans, por tote la navée ou la batelée.
Item, se i. seul tonnel de vin, en quarète, vicgne ou voisc ou trospasse par la vile, si en paiera l'en a.s sergans.
.1 donier. por cel lonnol Item, l'en doit savoir que se aucun marcheant eit vins en pluseurs quarètes, venantes on trespassantes parla ville Roth., les sergans n'en aront que .1. seul denier por tous les vins dumearcheant.
LXIII. — De pein, de blé et d'autres choses données ou à donner en ammosne i^l).
Vins, pein. blé, fruit et loutes choses quèlesqu'èles soient, données ou à donner en ammosne, venantes ou repeiranles ou trespassantes par eaue ou par terre, sont franches et quites de toute moèson et coustume, mes que serement en soit feit que ja rien n'en sera vendu, mes que tout sera donné en ammosne. Et aussi est des vins et des autres choses qui sont achetées et vendues por la rèson de nuèches, de confraérie et de festes à feire en l'eur de Sainte-Marie, de Saint-Nicholas et de tous autres seints et seintes.
