Gfr. Mathieu d'Escouchy, p

HÉMOIRES d'olivier DE LA MARCHE. 237

aocompaigné ; et le suyvoient le seigneur de Saveuses et moult d'aultres seigneurs et nobles hommes ; et conduisoit son faict et sa compaignie, George de RosimboZy un moult notable escuyer. Et quand les Gantois veirent le premier estendart venir, ils n'en tindrent pas grant compte et cuydoient avoir une petite compaignie qui les deust ligierement escarmoucher ; mais prestement ilz veirent deux, trois et quatre estendars et grosse compaignie de gens d'armes et grans fumées de chevaulx, et la pouldre si haulte et si grande qu'ilz furent tous esmerveillez ; et touteffois se mirent en bataille et en ordre au long de leurs tranchées^, et firent sçavoir de l'aultre part du siège que chascun se preparast, car ilz veoient les ennemis et doubtoient de la bataille. Or furent les compaignies les unes devant les aultres, et les archiers lioient et actachoient leurs chevauh: les ungs aux aultres ; et furent tantost grand nombre à pied et plusieurs hommes d'armes avecques eulx ; et le conte d'Estampes, qui encoires n'estoit chevalier, requit au bastard de Sainct PoP, seigneur de Haulbourdin, qu'il le fist chevallier. Ce que ledit seigneur de Haulbourdin fist par moult honnorable façon ; et quant le conte fut chevallier, il fit chevalliers de sa main Anthoine, bastard de Bourgoingne, le seigneur de Moreul ^, Philippe de Hornes, seigneur de Bausignies, Anthoine Rolin, seigneur d'Emeries, le

1. Us étaient sortis, dit Mathieu d'Escouchy, page 392, à rapproche de i'avant-garde , au nombre de 800 à 1,000 combattans.

2. Et non le sire de Saveuses comme l'avance Barante, t. II, p. 94, en citant faussement Du Glercq et d'Ëscouchy.