Mercredi

BféMomES d'olivier de la marche. 261

aultres leur allèrent au devant. Si demanda le conte audit seigneur de Gontay où son logis estoit deslivré, lequel luy respondit et monstra que l'on avoit deslivré son logis à l'entrée du villaige de Vasselle en certaines maisons, mais il convenoit voisiner avecques les ennemis, qui estoient en grant nombre audit Vasselle. Lors dit le conte de Sainct Pol que si près ne pouvoient loger sans débat. Si renvoya les charrieres et les bateaulx où il estoit passé, et de ses gens pour faire passer hastivement mille archiers à pied et trois cens lances à deux chevaulx pour hommes d'armes, pour le plus. Et tandis allèrent le conte et le seigneur de Gimay ouyr messe, et furent ceulx qu'ilz avoient ordonnez tantost passez, car ilz avoient quatre grans charrieres et d'aultres batteaulx à passer gens de pied. Si fut prestement sonné et commandé que chascun s'apprestast pour combatre les ennemis ; marchèrent les enseignes qui furent passées, et ces archiers à pied qui moult desiroient de grever leurs ennemis. Et quant les Gantois sentirent venir et veirent approucher les compaignies, ilz se retraïrent à garder ung gros boulovart qu'ilz avoient faict et eslevé sur le grant chemin ^ ; mais peu y aresterent que les archers ne le fissent desemparer. Et en y eust plusieurs mors et prins, et les aultres s'enfuyrent, mais grande partie d'eulx furent si près hastez et suyviz, qu'ilz se retraïrent en une petite maison close d'eaue et aultres en un moustier. En ces deux lieux et à une fois furent Gantois assailliz et dura l'assault plus de trois heures.

1. Avec de Tartillerie et des « pavais », ditChastellain, ch. xvi, p. 300. Le pavais était un grand bouclier qui protégeait les canonniers.

26S MÉMOIRES d'OUYIER DE LA MARCHE.

Et le conte de Sainct Pol, qui tousjours doubtoît la rencharge des Gantois, entretenoit les hommes d'armes soubs l'estendard le mieulx qu'il pouvoit ; mais les josnes gens estoyent fors ^ à tenir en ordre et se desroboient pour aller assaillir avecques les archiers, et tellement que les enseignes demourarent, telle fois fut, petitement accompaignées ; et le conte dist par plusieurs fois : < Nous nous mectons en desordre

< contre la doctrine de la guerre et peult estre sont

< noz ennemiz plus près que nous ne pensons. Ghas-

< cun se veult advancer et cuyde bien faire, mais je

< dy qu'il acquiert assez honneur qui se garde de honte. » Le seigneur de Gimay mectoit grant peine de recuillir ses gens, et advint que l'église et le chastel furent si fièrement assailliz que les Gantois demandèrent les cappitaines pour eulx rendre, et allèrent celle part le conte et le seigneur de Gimay. Et tandis les Gantois qui se tenoient à Themesie, et aultres, se assemblèrent environ trois mille et avoient plusieurs chariotz de petite artillerie et ligiere, et abordèrent droit devant l'estendard des hommes d'armes et trouvèrent la compaignie en petit ordre. Si monstrerent les Gantois à une foulle moult fièrement et se arresterent , pour le creux d'ung grant chemin. Là veiz je Guy de Benthun, qui portoit l'estendard du conte de Sainct Pol, marcher sur les ennemis, sans regarder qui le suyvoit; et endura et soubstint, sans desmarcher, moult vaillamment, et fut moult longuement sans grant secours ou aide. Touteffois chascung recourut à son enseigne, et revint le conte à son estendard, qui fiit suyvi de