Éviter

MÉMOIRES d'olivier DE LA MARCHE. S97

estoit en sa personne le seigneur de Maldegam ^ . Gelluy seigneur chevauchoit devant, pour ce que luy et ses gens sçavoient le chemin et adresse comme ceulx qui en estoient. Et advint que ce jour le temps estoit noir, chargé d'une grande bruyne, si qu'ilz s'embattirent* au dangier de Tembusche, avant qu'ilz s'en sceussent percevoir. Si fut le seigneur de Maldegam prestement assailly ; et quant messire Symon entendit l'affaire en quoy estoit le seigneur de Maldegam, il fit sesarchiers descendre, et luy mesme se mit avecques et vint moult couraigeusement au secours de ses compaignons ; mais les Gantois, qui grant nombre estoient, l'encloyrent de toutes pars. Vaillamment se deffendit messire Symon et ses gens, moult bien se prouva de sa personne ; et ses hommes d'armes, qui estoient à cheval, se fourrèrent dedans les ennemis sans peur et sans crainte ; et si bien se maintindrent, combien que les Gantois estoient quatre pour ung, qu'ilz rompirent la presse et se rassemblèrent ensemble; si que les Gantois furent contens de les laisser paisibles ; et fut l'escarmouche si fièrement combatue, que l'estendard dudit messire Symon fut abatu, et perdit, mors sur la place, quatre hommes d'armes et douze ou seze archiers ; et firent les Gantois moult grant joye et moult grant hu de l'estendard qu'ilz avoient gaigné ; et dedans briefz jours après prirent Englemonstier^, et y firent moult de maulx et de dommaiges.

i. Philippe, seigneur de Maldeghem.