Le 14 avril, d'après J. du Glercq, loc, cit

livrer Tassault audit boulovart, main à main ; et dura ledit assault, aspre et fier, bien trois heures; et furent ceulx du boulovart une fois ou deux rafresdiiz et renforcez de ceulx de la garnison ; et finablement se partirent Gantois et se retrayrent à leur grant perte, car les archiers saillirent sur les levées de la rivière, et moult en occirent ; mais la chasse ne fut pas longue, pour ce que moult grant nombre furent les Gantois ; et doubtoient les cappitaines de la garnison qu'il n'y eust embusche.

Le lendemain, qui fut le quatriesme^ jour d'avril, les Gantois firent une autre emprinse, et à grosse puissance coururent en Haynnault jusques au plus près d'Anguyen, passèrent près de Tournay, firent moult de maulx et de dommaiges en leur chemin, et s'en retournèrent sans nul contredit; et bien le peureot faire, car les mesnaigiers' avoient habandonné leurs garnisons pour aller visiter leurs maisons et leurs mesnaiges ; et n'y avoit nulz gens d'armes assemblez au pays qui eussent peu faire à la puissance des Gantois nulle résistance. Et quant le duc de Bourgoingne veit la continuacion de ses ennemis et rebelles, il fit de nouvel son mandement et manda gens d'armes par tous ses pays, pour estre prestz au quinziesme jour de may ^ ; et en ce temps, à la requeste des nations à Bruges demourans, le duc accorda une journée à l'Isle,