Cet épisode manque complètement dans Ghastellain

AfÉMomES d'olivier de là harghe. 307

et gens d'armes de toutes pars. Et fut Tartillerie affustée et les approuches faictes, et auxdictes approuches Ait tiré du traict tout oultre le visaige d'ung escuyer nommé Jehan Rasoir, serviteur de messire Jaques de Lalain, et n en mourut point. Aussi fut blessé ung moult bel et vertueulx josne chevallier nommé messire Jean du Bois , seigneur de Hannekin ; et eust le pied senestre percé d'une coulevrine. Plusieurs y eust blessez et navrez, qui sans grant cause s'approchoient et decouvroient devant le traict, dont je me passe pour abréger; et fut l'artillerie du duc si bien diligentée que les Gantois, eulx veans encloz de toutes pars, commencèrent à parlementer ; et firent traicter par leur curé et se rendirent à la voulenté du duc, corps, vie et biens. Et ne demoura le siège que cinq jours entiers, et furent tous penduz, réservé le prestre, leur curé, et ung qui se disoit cappitaine de Gavre, qui fut gardé pour les causes que vous pourrez ouyr cy après ; et fut le cappitaine pendu au pont leviz, qui estoit noble homme et Tung des beaulx hommes que l'on pou voit veoir^. Et ainsi prit le duc le chastel de Scandelbecque^.

Le duc fit retourner son artillerie ^ et print conseil d'aller assiéger le chastel de Poucques, et tira celle part^. Et le mareschal de Bourgoingne, accompaigné

i. Jean de Waesberge.

2. La prise de Schendelbeke eut lieu le 27 juin (Y. Ghastellain, loc. cit., p. 358); c environ la Saint -Jean -Baptiste » d'après Mathieu d'Escouchy, ch. cii, t. Il, p. 80.

3. Le 30 juin. Le i»' juillet, le duc, venant d'Audenarde, alla coucher à Gourtray. (V. Ghastellain, loc, cit., et Mathieu d'Escouchy, t. n, p. 84, note 4.)

4. Le 2 juillet, {fd.) Poucques esta trois lieues de Gand environ.

308 MÉMOIHES d'olivier DE LA MARGHB.

des Bourguignons, de messire Jaques de Lalain, des seigneurs de Beauchamp et d*Emeries et aultres cappitaines, tirèrent contre le chastel de Gavre, pour œ que oelluy qui se disoit cappitaine de Gavre, comme dit est, promist audit mareschal de luy faire rendre la place. Si fut mené parler à ses compaignons, mais ilz tindrent petit de compte de luy et de son povoir, et tirèrent après luy canons et aultres traictz. Et s'en revint le mareschal de Bourgoingne sans aultre chose exploicter pour celle fois, sinon qu'il fit pendre le Gantois à ung arbre ; et coucha celle nuict et la compaignie en ung villaige assez près dudit lieu de Gavre; et le lendemain retourna l'avant garde devers le duc de Bourgoingne.

Le bon duc, qui desiroit de soy venger de ses rebelles et qui vouloit exécuter l'esté, qui estoit bel et sec, si se tira, au deppartir de Scandelbecque, devant le chastel de Poucques. Si fut le chastel avironné de toutes pars, et de plaine venue la bassecQurt bruslée et arse, voire leur pont, gisant jusques au pont leviz, qu'ilz avoient à grant haste dressé contre et pour la deffense de leur porte; comme affin que l'on n'entrast pelé mesie par le pont. Si fut l'artillerie dressée grosse et petite, contre ung pan de mur entre deux tours ; lequel pan de mur estoit maçonné d'une salle et aultres chambres, et voyoit on bien par les fenestraiges que celuy pan ne pouvoit avoir guieres grant force. Et aussi le lieu et le terroir estoit convenable à asseoir artillerie obstant les^ marcaiges des aultres costez, et furent en peu de temps les tours et les