Deux mots omis dans les édit. précédentes

34 MÉMOIRES D'OUYIEIi DE LA MARCHE.

petite ville destruicte et au pire pays de la duchié ; et guerroyoient et queroient leurs advantures chascun d'ung cousté et d'aultre. Et, pendant ce temps, fut envoyé Quesnoy, herault et ofiScier d'armes, devers le conte de Glick, luy ofifrir que, s'il vouloit combatre pour le droit de la querelle, Jehan, monseigneur, conte d'Ëstempes, de sa personne le combatroit ; ou, s'il vouloit choisir Gornille, bastard de Bourgoingne, Jaques de Lalain, Guillaume de Vauldrey ou Hervé de Meriadet^, chascun d'iceulx luy fourniroit la bataille; et si ledit conte de Glick aimoit mieulx à prendre autant de nobles hommes avecques luy que ceulx qu'il luy offroit là, iceulx princes, seigneurs et nobles honmies dessusditz les fourniroient et accompliroient, fust à pied, fust à cheval, et par tous les honnorables moyens que le conte de Glick et les siens le vouldroient demander. Honnorablement receut le conte de Glick le herault dessusdit, et luy fit très honnorable response, sans accepter la bataille, sinon en delay de respondre; et certes ledit conte de Glick estoit un gentil chevalier et ne fist chose qui vint à la congnoissance de nostre party, qui ne fust honnorable. Et ainsi se passoit la saison et la guerre sans grant exploit.

1. Hervé de Mériadec et Jeanne de Croix, sa femme, reçurent plusieurs faveurs de Philippe le Bon. Ils furent affranchis du droit de meilleur catel qui appartenait au duc dans la châtellenie de Courtray. (Archives du Nord, B 1608.) Mériadec fut nommé garde de rhôtel ducal à Wervicq (id.) et reçut de lui les sergenteries des Quatre-Métiers et du bailliage de Hulst. {Id., B 1607.)

nÉMomES d'olivier de la marche. 35