Masses d*armes garnies de crêtes en fer

mAmoires d'olivier de la marche. 383

valeureux dievalier; et certes quant les Gantois le veirent venir, ilz le recongnurent et s'arresterent tous devant sa noble personne, mais le venin, confit en longue obstinacion qu'ilz avoient au cueur, fut subitement maistre de la raison. Si luy coururent sus moult asprement ; et le bon duc , qui fut Tung des vaillans chevaliers de son temps, se ferit entre eulx, non pas comme prince ou personnaige de prix ou d'extime tel qu'il estoit, mais comme un homme chevaleureux, tout plain de hardement et de prouesse ; et les Gantois feroient sur le noble prince de grant et de félon couraige et luy navrèrent son cheval en plusieurs lieux. Là estoit Bertrandon, le penon au poing, près de son maistre, pour enseigner et monstrer le prince où il estoit ^ Là vint le seigneur de Haulbourdin, atout la bannière, et Hector^ deMeriadec, atout Testandar. Là entra le noble conte de Gharrolois qui moult aigrement chassoit enseignes et gens d'armes au secours du duc, son père, et aborda des premiers en la place, et fut blessé d'une picque au pié par dessoubs. Là veiz

4 . D'après Guillaume Fillastre (Histoire de la Toison d'or), Bertrandon, voyant le péril où se trouvait le duc, < coucha sa lance à laquelle pendoit le pennon et, contraignant le cheval des espérons, frappa ses ennemys, criant à haulte voix : « Traistres, traistres ! tuerez- vous vostre prince ?» A cette voix fut en plus grand danger, car ceûlx qui cuydoyent besongner à ung simple chevalier, oyant que ce estoit leur prince, dirent : o C'est ce que nous querons. » Et à ceste heure se doubla leur courage;... mais le prince... ne se mue et se tient ferme et se combat si longuement comme près d'une heure. » Selon Ghastellain, au contraire, lorsque les Gantois virent « la grant vaillance du duc, ils le recognnrent et se mirent à genoux en luy cryant mercy à haulte voix, disant tous : « Hélas ! nous nous rendons. »