Ldseï Àuthume

îlz le trouveroient en luy, et quMlz luy fussent bons subgectz, et il leur serait bon prince, et que jamais plus ne luy souviendroit de Tinjure par eulx commise contre luy. Si furent les bannières des mestiers de Gand apportées toutes et baillées au roy d'armes de la Thoison d'or, qui, en la présence du duc, les fit mectre en ung sac et les fit porter au logis * .

Ces choses faictes, s'en retournèrent les Gantois moult joyeulx, et fut la paix criée en leur ville, et firent feuz, luminaires et carolles de joye parmy la ville, et celle nuict plusieurs compaignons s'allèrent festoyer à Gand et eurent grant chiere. Et le duc de Bourgoingne pour celle nuict s'en retourna en son logis à Gavre, et le lendemain, après disner, se tira le duc en sa ville d'Audenarde, et, par manière de triumphe et de victoire, fit porter devant luy, par ses archiers de corps et aultres, les bannières des mestiers de Gand; et depuis furent portées, la moidié devant Nostre Dame de BouloDgne, et l'aultre moiotié devant Nostre Dame de Haulx, où l'on les pouvoit veoir, à l'heure que cette guerre de Gand fut par moy enregistrée^; et de là se tira le duc à l'Isle et rompit son armée.

Erï ce temps estoit le seigneur de Cry en Lucembourg^ et faisoit la guerre aux Allemans, lesquelz,