ff Hamois. i

la toille, de lances de mesure et de courtois rocheti^ à rencontre de tous ceulx qui venir y vouldroient; et celluy qui pour ce jour feroit le mieulx, au jugement des seigneurs et des dames, sans ce qu'il s'en exceptast en riens, gaigneroit un riche signe d'or endiainé d'une chaine d'or, et au bout 'de celle chaine ung riche rubiz que les dames presenteroient à celluy qui Tauroit desservy.

Tel fut le cry, par l'ordonnance et adveu de monseir gneur Adolf de Gleves, lequel estoit celluy pour qui la criée se faisoit, et, à ce que je veiz, la criée et jouste se faisoit au propos d'ung entremets , qui contenoit, à cedit bancquet, la pluspart de la longueur de la principalle table. Ce fut une nef à voille levée, moult bien faicte, en laquelle avoit un chevalier tout droit, armé, qui le corps avoit vestu d'une coste d'armes, des plaines armes de Gleves, et devant avoit ung cigne d'argent portant en son col ung collier d'or auquel tenoit une longue chaine d'or dont ledit signe faisoit manière de tirer la nef, et au bout de ladicte nef seoit ung chastel moult bien faict et richement, au pied duquel flotoit ung faulcon en une grosse rivière. Et me fut dit que ce signiffioit et monstroit, comme jadiz miraculeusement ung signe amena dedans une nef, par la rivière du Rin , ung chevalier au chasteau de Gleves, lequel fut moult vertueulx et vaillant, et l'épousa la princesse du pays, qui pour lors estent vefve et en eut lignée, dont lesditz ducs de Gleves, jusques à ce jour, sont yssuz*.