Mathieu d'Escouchy le nomme Léal
qui d'uDg bout tenoit à la tresse de l'escu du chevallier, et estoit ce signe adextré de deux sagittaires moult bien faictz, qui tenoient arcs et flèches en leurs mains, et faisoient semblant de tirer à Tencontre de ceulx qui vouUoient aprocher le cigne.
Ledit chevalier, tenant à la chaisne d'or, suyvoit le signe, armé très richement de toutes armes, et estoit son cheval couvert de drap damas blanc et bordé de franges d'or, et son escu de mesmes ; et à dextre et à senextre et derrière avoit trois jeunes enffans paiges, habillez de blanc en manieire d'anges, montez sur beaulx coursiers enharnachez de drap blanc bien decoppé, et après venoit ung palefrenier, vestu de blanc, sur ung petit cheval, qui menoit en main ung destrier couvert de drap blanc, bordé de grandes lettres d'or et frangé d'or, à la devise dudit chevalier ; et après venoit monseigneur le duc de Cleves, frère dudit chevalier, et monseigneur Jehan de Goymbres, filz du Roy Jehan de Portugal^, avec grant nombre de chevaliers et nobles hommes, tous vestuz de blanc à la parure du chevalier, et portoient les lances en belle ordonnance.
En tel estât et compaignie fut mené ledit chevalier devant les dames , et fut présenté par Thoison d'or, roy d'armes, à très excellente, très haulte et très puissante princesse madame la duchesse de Bourgoingne, et aux autres princesses, dames et damoiselles ; et puis il fut admené es lices, et lors le signe
1. Le manuscrit Baluze rectifie ce passage en disant « fihs d'un des filz. » En effet, Jean était fils de Pierre, duc de Cloîmbre, fils lui-même du roi Jean I«'.
IfillOIRES d'OUVI£R DE LÀ MARCHE. 347
qui Tavoit admené avec les sagittaires fut mis sur ung hourt qui leur estoit préparé.
Comment monseigneur Adolf jousta et comment il et Loys du Chevallard s'entre portèrent par terre. — Gérard de Roussillon fut le premier qui se présenta à rencontre du chevalier, auquel le chevalier donna ung si grant cop de la première course, qu'il luy perça et fendit son escu tout oultre, dont ledit Gérard eust grant destourbier.
Après vint messire Jehan de Monfort, moult gentement housse de soye et de bordure. Assez tost après vint monseigneur le conte de Sainct Pol, housse de drap d'or, dont la moictié estoit gris et Taultre cramoisy. Après vint monseigneur de Fiennes, couvert de velours noir à larmes noyres, monstrées d'ung peu de blanc. Tantost après monseigneur de Gharrolois et monseigneur le bastard, qui s'en allèrent armer quant ilz eurent convoyé mondit seigneur Adolf, vindrent sur les rens, houssez de velours violet , bordé de firanges d'or et de soye, et leurs escuz de mesmes, chargiées lesdictes housses de campanes d'argent; et estoient bien accompaignez de grans seigneurs, et entre aultres monseigneur d'Estampes servoit de lance monseigneur de Charrolois.
Les dessus nommez jousterent, et plusieurs aultres chevaliers bien enpoinct, comme monseigneur de Gruthuse, couvert de velours cramoisy, monseigneur de Mourcourt*, de velours cramoisy fourré de martres, messire Chrestien de Digoine, enharnaché de drap
