Plus haut : Bersat

38 BIÉMOIRES D'OUYŒR DE LA MARCHE.

rares de toutes portes. Et si tost que les premiers furent descencluz de la muraille, ilz occirent le guect avant qu'il eust loisir de crier ne de faire effroy, et puis prestement les archiers coururent à la poterne, et du groing de chien, par aspreté et par puissance, rompirent les gons et les verroux de la poterne; et tantost entra le seigneur de Saveuses et les aultres, [avec] cent ou six vingtz archiers de Picstrdie et cinquante lances de Bourgoingne, de la conipaignie du bastard. Et à la fille venoient les compaignons, et le cry commença par les eschelleurs, qui crioient : c Nostre Dame, ville gaignée! Bourgoingne, Bourgoingne! » chascun qui mieulx mieulx ; et les Lucembourgeois, surprins et espou veniez, s'enfuirent nudz et deschaulx, hommes et femmes, contre le marchié en la basse ville, à l'opposite dont venoit Teffroy ; et le conte de Glick et ses Allemans, Zassons, se retrahirent au chastel, qui est une moult beUe, moult bonne et forte place, et les Boui^uignons, qui tousjours renforçoient, marchoient, criant et faisant grant cry et grant huz. Et marchoient les archiers de Picardie, Tare au poing et la flèche preste, tellement que nul ne les osoit attandre. Et quant vint à l'entrée du marchié, à une vielle tour qui fait porte, ilz trouvèrent un peu de résistance de pierres et de cailloux. Mais incontinent marchèrent les Bourguignons au marchié. Et advint que le prevost de la ville S et l'ung des pires contre la duchesse douaigiere, quant il ouyt l'effroy, il saillit en son pourpoint, un espieu en sa main, et vint baudement rencontrer ung chevalier de Picardie, nonuné messire

i. Jean Ghalop, prévôt de Luxembourg.

Gauvain Quieret, seigneur de Drueul, moult vaillant chevalier, et qui estoit des premiers sur le marcbié. Le Lucembourgeois enferra ledit messire Gauvain au bras senestre, et luy persa le bras, et le tint longuement enferré contre une muraille; mais il fut secouru, et rhonune tué ; et demeura mort ledit prevost sur le marcbié, et enG*ainé par une truye, qui le dévora. Et ne veiz bonune mort que luy. Et disoit on que c'estoit celluy qui plus estoit cause de la rébellion faicte contre ladicte duchesse, et le tenoit on^ pour punicion divine. Le conte d'Estampes, le bastard de Bourgoingne, messire Robert de Saveuses, Charles de Rochefort, messire Thibault, bastard de Neufchastel, Guillaume de Sainct Saigne et tous les aultres cappitaines vindrent, aux grans enseignes déployez, faisant grant cry et grant noise; et les varletz et les paiges, qui amenoient les chevaulx des eschelleurs et des gens d^armes à pied, crioient et huUoient, qui sembloit que tout le monde fust arrivé pour confondre et destruyre icelle ville. Ces choses espouventoient les Lucembourgeois et s'enfuyoient qui mieulx mieulx par la porte de la ville d'embas, qui tire à Ty on ville. Et ainsi s'enfuyoient hommes, femmes et enffans, et les cappitaines et enseignes entroient à cheval par les portes, qui furent rompues et ouvertes de toutes pars. Et le conte de Glick et ses Âllemans 's'estoient retraictz au chastel, comme dit est ; et après eulx boutarent le feu es prochainnes maisons, devant la porte, et de ce feu brusla toute la rue, jusques à une église de Nostre Dame qui est sur le marchié ; et bruslarent mesmes les

i. a Et tenoit on sa mort, i

iO MÉMOIRES d'olivier DE LA MARCHE.

chevaulx et les biens, et se préparèrent de deffendre. Et mesmes derrière le chastel boutarent le feu en une abaye de moisnes noirs, et en bruslerent une grande partie, afBn de non estre aprouchez, et faisoient comme gens de guerre dévoient faire.

Prestement que les eschelleurs furent entrez , on envoya messaiges au duc de Bourgoingne, qui estoit en la ville d'Ârlon, à cinq lieues loing de Lucembourg ; et depuis qu'ilz se trouvarent en la ville, aultre messaige. Et ainsi, par messaige sur aultre, sceut le duc que Lucembourg estoit gaigné pour luy, et fut environ deux heures avant le jour. Si fut sonné pour mettre selles, et s'arma et prépara chascun ; et le duc s'arma de toutes pièces et vint à la messe, et ouyt ses messes, et dist ses heures et son ordinaire aussi froidement qu'il avoit accoustumé ; et despuis, tout ouy et tout achevé, dist certaines grâces en son oratoire, qui durarent assez longuement. Et me souvient que nous, ses paiges, estions à cheval, et oyons les gens d'armes, qui disoient et murmuroient que longuement faisoit le duc, et qu'une aultre fois il povoit bien recouvrer à dire tant de patenostres; et tellement que Jehan de Ghaumergy, qui estoit premier escuyer d'escuirie, le dit au duc, qui luy respondit : « Si Dieu m'a donné € victoire, il la me gardera; et en peut tant faire à € ma requeste, s'il luy plaist de m'estre misericors, € qu'il fera à l'aide de toute ma chevalerie. En la com- € paignie des conquerans sont mes nepvéurs et mon € bastard, et si bon nombre de mes subgectz et ser- € vi leurs, que à l'aide de Dieu ilz soubtiendront bien € jusques à ma venue. » Ainsi parla le bon duc, et paracheva ses oraisons. Et, à la vérité, ce fut ung

BfÉMOIRES d'olivier DE LA MARCHE. 41

prince constant, et qui ne se mouvoit de chose qui luy advint ; et fut hault jour quant il monta à cheval, et prestement se mist sa compaignie aux champs, tout homme en point. Et chevaucha ces quatre ou cinq lieues en moings d'une heure et demye, et n'encontra nulz messaiges; par quoy il cuyda que les entrepreneurs eussent seullement gaigné aucung fort ou aucung quartier de la ville. Et si tost que l'on percent la ville et les clochiers, le seigneur de Ternant assembla les josnes gens qui avoyent voulentéde eulx monstrer, dont estoit Jaques de Lalain, qui brusloit au feu de chaleureux désir, Philippot Gopin, Meriadet, le bastard de Dampierre^ et moult d'aultres, lesquelz coupèrent leurs pointes, estèrent leurs espérons et vouloient descendre à pied, et mesmes le duc. Et se tenoient près de sa personne le seigneur de Gry, son premier chambellan, et monseigneur le bastard de Sainct Pol, seigneur de Haubourdin, ung moult vaillant chevalier et de grant conduicte^; et tous vouloient descendre à pied, quant messire Robert de Saveuses, qui estoit sur te portail, escria au duc, et luy dit : c Monsei- € gneur, entrez en vostre ville, car tout est vostre et c en vostre commandement. » Et ne trouvèrent en la ville nulle résistance. Si sonnèrent les trompettes, et entra le duc en Lucembourg, sans aultre destourbier, et vint au marchié, oii il faisoit dangereux, pour les coule vrines que tiroient les Âllemans du chastel. Et trouva le duc le conte d'Estempes, le bastard de Bourgoingne et leurs enseignes en moult belle ordon-