Prisonniers

36i MÉMOIRES d'olivier DE LA MARCHE.

Mon deumaine est es mains des mescreans.

J'en suis chassée Honteusement, comme pauvre esgarée-, Mussanti fuyant, par dure destinée; Si lassée, si esteincte et grevée,

Qu'à peine say Dire les maulx où je suis, et que j'ay. Plus me complains, et moings de secours j'ay. Ma pauvreté touteffoîs maintiendray,

Pour essayer Lesquelz premier se vouldront employer A secourir Saincte Eglise et ayder Qui ne requiert le travail sans mestier.

Ainsi je cours De lieu en lieu, et puis de cours en cours, Gryant premier l'Empereur au secours.

Et puis après je gecte crys et plours

A toute oultrance.

Pour estre ouye, et avoir allégeance Devant le très chrestien Roy de France Victorieux, où j'ay bien ma fiance,

Et dois avoir.

Puis chemine, sans guieres remanoir, Aux aultres Roys, pour leur foire assavoir Le grant meschief où me faut remanoir;

Et puis revyens Aux ducs, contes et puissans terriens.

Princes, marquis, aux grans et aux moyens, Généralement à tous bons chrestiens.

Pour remembrance Du Créateur qui est nostre espérance; Que tout chascun s'apparoille et avance Pour le secours, qui est ma desirance.

Or suis joyeuse Que puis faire ma complainte piteuse Devant toy^ duc, dont je suis désireuse. Metz en mes motz entente savoureuse,

Et je t'en prie.

Aussi fay je à ceste compaignie.

Pour moy ayder Tungà Taultre s'allie ; Car Dieu le veult, et nulz bien foictz n*ob1ie.

Ainsi me va, par le divin vouloir, Qu'à ce bancquet je me suis embastue, Venant de loing par efTreé povoir, Cherchant les lieux où cueurs sont à mouvoir A secourre moy dolente et perdue.

Loé soit Dieu que je suis cy venue ; Car ad vis m'est que j'ay fait le voyaige Pour racheter mon ennuyeux dommaige.

G toy, 0 toy, noble duc de Bourgoingne, Filz de FEgiise^ et frère à ses enffans, Entemps à moy, et pense à ma besoingne. Paintz en ton cueur la honte et la vergoingne, Les griefz remordz qu'en moi je pourte et sens. Infidelles, par milliers et par cens, Sont triumphans en leur terre damnée, Là où jadiz souloye estre bonnourée.

Et vous, princes puissans et honnorez, Plorez mes maux, larmoyez ma douleur.

Ma joye n'est, s'emprendre ne vouliez, En moy vengeant, ce que faire devez.

En servant Dieu, et acquérant honneur.

Par mes enffans je suis en ce mesheur ; Par eux seray, si Dieu plaist, secourue, Et requiers Dieu de conseil estre acreue.

Vous, chevaliers qui pourtez la Thoison, N'oubliez pas le très divin service ; Et vous aussi, nez de bonne maison, Gentilzhommes, vecy belle achoison Pour acquérir de los le beneûce.

Mon secours est pour jeunes gens propice. Les noms croistront, et Tame enrichira Du service que chascun me fera.

366 MéMOIRES d'olivier DE LA MARGHB.

Dont en amour de Dieu premièrement, Et en faveur de nom et de noblesse, Je te requiers acertes fermement, Mon amé filz, pour mon recouvrement, Et vous, seigneurs, pour toute gentillesse. Par tout m'en vois; car mon œuvré me presse. Mon faicl piteulx, hélas! qu'on ne Toublie. Sous tel espoir. Dieu vous doint bonne vie!

Comment Thoison d'or présenta à mondit seigneur le faisant pour faire aucung veu solempnel. — La lamentacion de nostre mère Saincte Eglise faicte, en la salle entrèrent grant nombre d'oflficiers d'armes, desquelz le derrenier estoit Thoison d'or, roy d'armes. Ce Thoison d'or portoit en ses mains un faisant vif et aorné d'ung très riche collier d'or, très richement garny de pierreries et de perles ; après ledit Thoison d'or vindrent deux damoiselles, c'est à sçavoir madamoiselie Yoland, fille bastarde de mondit seigneur le ducS et Ysabeau de Neufchastel, fille de monseignew de Montagu*, adextrées de deux chevaliers de l'ordre de la Thoison d'or, c'est à sçavoir monseigneur de Crequi et messire Symon de Lalain. En telle ordonnance vindrent lesditz officiers d'armes et ledit Thoison d'or avecques le faisant, jusques devant monseigneur le duc, auquel ilz firent le reverance, puis luy dist ledit Thoison d'or en ceste façon :

c Très hault et très puissant prince, et mon très <L redoubté seigneur, veez les dames qui très hum-

< blement se recommandent à vous, et pour ce que

< c'est la coustume, et a esté anciennement, que aux

i. Mariée plus tard à Jean d'Ailly, seigneur de Picquigny. 2. Mariée plus tard à Louis de Vienne.

c grans festes et nobles assemblées on présente aux c princes, aux seigneurs et aux nobles hommes le c paon, ou quelque aultre oyseau noble, pour faire c veuz utiles et valaibles, elles m'ont icy envoyé avec c ces deux damoiselles pour vous présenter ce noble c faisant, vous priant que les vuillez avoir en sou- <L venance. »

Ces parolles dictes, mondit seigneur le duc^ qui savoit à quelle intencion il avoit fait ce bancquet, regarda l'Eglise, et ainsy, comme ayant pitié d'elle, tira de son seing ung brief contenant qu'il vouoit qu'il secourroit la chrestienté, comme il sera dit cy après, dont l'Eglise fit manière de soy resjouyr, et voyant que mondit seigneur avoit baillé à Thoison d'or son veu, et que ledit Thoison d'or le lisit, elle s'escria tout hault et dit :

Dieu soit louhé, et servy haultement De toy, mon fiiz, doyen des pers de France ! Ton très hault veu m'est tel enrichement, Qu'il me semble que je suis clerement De tous mes maulx à plaine délivrance.

Par tout m'en voys requérir aliance, Et prie à Dieu qu'il te donne la grâce Que ton désir à son plaisir se face.

0 vous, princes, chevaliers, nobles hommes, Voyez patron pour hauk faictz entreprendre. Froissez vostre aise, acourcissez vos sommes, Levez vos mains, tandiz que nous y sommes, Offirez à Dieu ce que luy devez rendre. Je prens congié ; car cy ne puis descendre, Mais voys tirant la terre cbrestienne, Pour Dieu servir et abréger ma paine.

A ce mot le géant reprint son éléphant et le rem-

368 MÉMOIRES d'OUYIER DE LA MARCHE.

mena par devant les tables en la manière qu'il estoit venu. Quant j'euz veu cest entremectz, c'est à sçavoir TEglise, et ung chasteau sur une si diverse beste» je arguay en moy se je pourroye comprendre ce que vouloit dire, et ne peuz aultrement entendre, fors que celle beste, qui nous est estrange et diverse pardeçà, elle avoit enmiené, en seigne qu'elle travaille et laboure sur grandes et diverses adversitez, en la partie de Gonstantinople, lesquelles adversitez nous congnoissons, et le chasteau en quoy elle estoit signiffîoit Foy. En oultre, et par ce que ceste dame estoit conduicte et menée par ce grant géant, ayant la main armée, j'entens qu'elle donnoit à congnoistre qu'elle doubtoit les armes des Turcs, qui l'ont chassée, et qui quierrent sa destruction.

Quant doncques elle se fut partie d'illec, les nobles honunes, à tous costez, par pitié et compassion, encommencerent à faire veuz et ensuyre mondit seigneur le duc chascun selon sa faculté, et mirent ces veuz par escript , ainsi qu'il sera dit cy après. Mais pour ce que tant de veux se firent ou s'appareillèrent de faire, et que la chose eust esté trop longue, mondit seigneur fit crier par Thoison d'or que la chose cessas! atant, et que tous ceulx qui vouldroient vouer baillassent le lendemain leurs veuz audit Thoison d'or, et il les tenoit valiables, comme s'ilz eussent esté faictz en sa présence^.

Pour abréger mon escripture, tantost après le cry

1. Mathieu d'Escouchy place ici les vœux qu* Olivier de la Marche a rejetés plus loin. D'ailleurs, il suit un ordre tout différent dans leur énumôration.

MÉMOIRES d'OLIYIEH DE LA MARCHE. 369

dudit Thoison d'or^ le bancquet fut assouvy, les nappes furent levées, et chascun fut en pied par la salle, et quant à moy, se me sembla lors ung songe, car, de tous les entremeetz des tables, il n'y demoura sinon la fontaine de voirre. Quant je ne veiz rien plus dé nouveaul à quoy passer le temps, lors commença mon entendement à mettre devant mes yeulx plusieurs choses touchant ceste matière. Premièrement je pensay en moy mesme les oultraigeux excès et la grant despense qui, pour la cause de ces bancquetz, ont esté faictz puis peu de temps ^ ; car celle manière de chappeletz avoit là très longuement duré, dont chascun s'efforçoit à son ordre et mectoit paine de recevoir la compaignie plus haultement; etprincipallement mondit seigneur avoit fait si grant appareil, coust et assemblée, que je nonunoye ceste chose oultraigeuse et desraisonnable despense, sans y trouver entendement de vertu, sinon touchant Tentremectz de TEglise et des veuz de ce ensuyvans ; et encoires me sembloit si haulte entreprinse trop soubdainement conunencée.

En celle pensée et ymaginacion demouray longuement, et tant que d'aventure je me trouvay auprès d'ung seigneur, conseiller et chambellan et bien privé