c Faire, clorre, etc
en François et en allemand. Et le tiers fut le roy d'armes de la Thoison, ung moult notable, sadiant et discret homme, natif de la ville d'Âbbevile en Pontieu, et se nommoit en propre nom Jehan, seigneur de Sainct Remy. Et furent tous trois habillez et vestuz de robes longues d'escarlate, et par dessus de longs manteaulx de mesmes, fourrez de gris, et les chapperons de mesmes couleurs. Et après iceulx venoient les chevaliers, parez et habillez et vestuz comme les officiers, excepté que tous avoient le collier d'or faict de fusibs et gamiz de leurs flames au col, auquel pendoit la noble Thoison d'or\ et si furent leurs manteaulx broudez de brodures d'or tout à l'entour, à la façon dudit collier. Et marchoient les chevaliers deux à deux, c'est à sçavoir les derniers eleuz en l'ordre, les premiers ; et ainsi se trouvoient les plus anciens cheva- Uers, en celle élection, les derniers et les plus prouchains du duc de Bourgoingne, chef et fondateur de celle noble ordre, sauf touteffois que les Roys et les ducz sont les plus prochains, quelques nouveaulx qu'ils soient en ladicte ordre. Et, pour monstrer l'ordonnance estre mieulx gardée, le duc de Bourgoingne faisoit marcher le conte de Gharrolois^, son fils, le premier et le plus loing de sa personne, et alloit à sa dextre main, et au dessus de luy messire Baudet de
1. « A Jehan Pentin, orfèvre de Bruges, pour la fachon de xxY colliers de Tordre de monseigneur de la Thoison d'or, qu'il a &iz tant pour mondit seigneur comme pour les aultres cheyaliers dudit ordre, hiiuxx 1. » (Compte iv« de Jean Abonnel, 1432 ; Archives du Nord, B 1945.)
2. Les comptes de la recette générale de Bourgogne mentionnent en 1435 Tachât d'ornements destinés au manteau du comte de Gharolais pour la fôte de la Toison d'or (Archives de la Gôte-d'Or, B 1655, fol. 68).
Noyelles, pour ce qu'ilz estoient les plus nouveaulx en élection, et ledit conte le dernier esleu ; et ainsi marchoyent les chevaliers par ordre, et feurent les deux derniers, le duc d'Orléans à dextre et messire Hue de Lannoy à senestre. Icelluy [de Lannoy], seigneur de Santés, fut ung des notables, des saiges, des vaillans et des preud'hommes chevaliers de son temps, fit moult de beaux voyages eteust charge et ordonnance de plusieurs notables embassades, exécuta la guerre et fit armes en champ cloz, de sa personne, à l'encontre du duc Jehan de Somreset, angloix, et ailleurs, et estoit desjà fort viel à celle heure. Et la cause pourquoy je escriptz longuement de luy, c'est pour ses vertuz et qu'il le valoit, et aussi pour ce qu'en mes Mémoires je ne puis plus toucher de luy, car, pour son ancienneté, je n'ai veu de ses nobles faictz, sinon son sens et ses vertueuses doctrines. Le bon duc Philippe de Bourgoingne, fondateur et chief de ceste noble ordre, mardioit seul après ses frères et compaignons , et là, au saillir de la chambre, entrant en la salle, se misrent devant luy deux sergans d'armes, portans masses armoyez en chief des armes du Roy de France, et puis des siennes, et ce à cause que, comme duc de Bourgoingne, il est premier per et doyen des nobles pers de France. En tel estât et ordre tirèrent tous en la court, où les chevaulx les attendoient, et en tel ordre allèrent les chevaliers parmy la ville de Gand, grandement accompaignez de nobles hommes privez et estranges, d'ambassadeurs et d'estrangiers, et le peuple estoit moult grant parmy la rue et parmy la ville. Et en tel estât vindrent en l'église de Sainct Jehan, qui est une des principales églises et paroisses de Gand, et à l'entrée de celle église trouvèrent l'evesque de
Tournay^ revestu, avecques les chanoines, cbappelains et choreaulx d'icelle église, qui recuillirent le duc et ses frères moult dévotement, et, en chantant himnes et cantiques dévotes, les conduisirent jusques au cueur de l'église, et dont les formes d'icelluy cueur furent parez de tableaux^, armez et timbrez des armes et timbres des chevaliers, de leurs motz, de leurs noms et de leurs devises ; et furent iceulx tableaijo: grans et spacieux, et peinctz le plus richement et le mieulx qu'il se peust faire ne mectre, et furent iceulx blasons assiz en icelles fourmes à deux lez, en tel ordre et en telle manière que les chevaliers marchoient à icelle fois, et se tira chascun chevalier en droit de son blason, et demourarent aucunes places vuides, garnies de leurs blasons, et d'abondant seoient iceulx blasons sur un grant drap noir, ce que les autres n'avoient point. Si me tiray devers le roy d'armes de la Thoison, qui fut homme tout courtois , et luy demanday pourquoy ne à quelle cause estoit ceste différence, et combien que je feusse paige et du nombre de la petite extime, le bon homme s'arresta à moy et me dit que c'estoient les blasons et les places des bons chevaliers d'icelle ordre qui estoient trépassez despuis la dernière semblable feste tenue, et que, se je veoye et
