f J'oclaircisse

MÉMOIRES d'OLIVIBR DE LA BfARGHE. 143

pourroit estre demandée sur ceste matière, qui est telle^ : pourquoy ledit messire Jaques tint pas en Bourgoingne, terre subgecte de son souverain seigneur et prince, et n'avoit* excepté les subjectz de son prince ; et aussi pourquoy il entreprenoit son pas en temps de jubilée, et durant icelle saison. Âd ce je respondz par la propre response à moy faicte par ledit messire Jaques, car j'avoye privaulté et habitude à luy, pour sçavoir de ses secretz, aultant qu'aultre de mon eage de la maison de Bourgoingne, et disoit que la cause de sa venue en Bourgoingne tendoit à deiix fins. La première, pour ce qu'il y avoit au pays grant noblesse et gens qui desiroient d'eulx monstrer nobles et couraigeux , la seconde, pour ce que le pays estoit situé ao passaige de France, d'Angleterre, d'Espaigoe et d'£scosse, pour aller à Romme dont les sainctz pardons et la jubilée de Tan cinquante approuchoient ^ ; et sembloit que, par ces deux raisons, plus de nobles hommes seroient advertiz de son emprise , et pourroient plus de nobles hommes venir à son pas, et toucher à sa noble emprise ; parquoy plus ligierement luy estoit facile de parvenir au second poinct, qui estoit qu'il desiroit, soubz le plaisir de Dieu, d'avoir présenté sa cotte d'armes ou sa personne en lices closes, et avoir combattu trante hommes avant qu'il eost trante ans d'eage. Car, à la vérité, il avoit, à Theure qu'il vint en Bourgoingne tenir son pas, plus de vingt neuf ans, d'ung mois, ou de sept sepmaines ; et pour ces deux raisons, dont l'une tenoit de l'aultre,