Apportés et

ô. « Tient. »

verse en la tasse, et puis i atempre le vin en son gobellet, selon ce qu'il scet et cognoist le goust du prince et sa complexion. Et certes quant au duc Charles, il a tousjours tellement2 faict attemprer son vin, que je ne croy pas qu'il soit prince qui si peu boive de vin , et qui plus en despende. Le vin attempré, l'eschanson verse de son gobellet3 en la tasse qu'il tient, et recouvre le gobellet, et doit tenir le couvercle entre ses deux petiz dois de la main de quoy il tient la tasse, jusques à ce qu'il ait recouvert ledit gobellet, et baillé ce qu'il a versé en sa tasse au sommellier ; et mect dedans la sienne, et doit le sommellier faire l'essay devant luy. Ainsi porte l'eschanson le gobellet au prince, et4 descœuvre le gobellet, et met du vin en sa tasse, et puis le recœuvre et faict son essay. Et quant le prince tend la main, l'eschanson luy baille le gobellet descouvert, et met la tasse soubz le gobellet, jusques à tant que le prince ait beu, pour garder l'honnesteté du prince, de ses habiz, et pour magnificence que l'on doibt au prince plus que aux autres. Et quant5 le prince a beu, il rend le gobellet à l'eschanson, qui le doibt recepvoir en grant révérence ; [et] ledit eschanson le rescœuvre et le remet sur la table, comme il estoit paravant. Quant le panelier va aux oublies, l'huissier appelle l'eschanson et ilc aporte son gobellet, et prent le vin ou l'ypocras du sommellier en la manière devant dicte. Et quant l'oublieur a assis ses oublies devant le prince, l'eschan-