GO MÉMOIRES D OLIVIER DE LA MARCHE

donner à chascun couraige de valloir et honte de faire le contraire. Il doit estre puissant de corps, pour ce que luy mesmes en personne porte l'estandart du prince en bataille, qui est ung puissant faiz à porter; car l'estandart du prince doit estre grant et eslevé par dessuz les autres, et se doivent toutes autres enseignes ployer et amoindrir là où est l'estandart du prince ; et toutesfois pour desploier la bannière du prince où sont ses propres armes, les bannières de ses subjetz ne se reploient point, ains se desployent ; et la cause si est1 que les enseignes doivent révérence à l'estandart, comme font les petiz batteaux en la mer devant une carracque ou une grant nef. Et pour l'autre enseigne, qui est la bannière, doit on hommage et service ; et pour ce desploie chascun banneret la bannière de ses armes , pour monstrer qu'il sert en personne, et qu'il veult tenir sa foy et loyaulté, comme il veult vivre et morir avec son prince et que faire le doit2.

L'estandart doit estre paint des couleurs, devise ou mot3 du prince, afin d'estre recongneu, et doit avoir ung fer de lance au bout de l'estandart en hault ; car au besoing l'escuier peut couchier son estandart, se la bannière est à ceste heure desploiée ; et pareillement doit avoir fer la lance du penon, pour ce que l'escuier trenchant4 est si près du prince ordonné en la bataille, que au besoing il le doit deffendre et faire lance de son penon. Et ne sceus oneques, par escript ou autre-