Et ;iu milieu (Ficelle doivent seoir

leurs1 masses sur les bouts de la table et avoir le visaige2 devers le prince. Et derrière eulx doit estre la table des officiers d'armes, et3 doivent estre du long de la table et doivent seoir les officiers d'armes4 leurs cottes d'armes vestues. Mais je demande pourquoy ne sont les roys d'armes et heraulx plus près du prince que les huissiers et sergeans d'armes, et toutesfois ilz ont leurs cottes d'armes vestues et sont de plus noble estât que les autres. A ce je respons que c'est pour ce que les huissiers et sergeans d'armes sont les exécuteurs du prince, et que telles nouvelles pourroient advenir ou telle chose pourroit estre faite, que le prince vouldroit faire5 mettre la main au plus grant de ses pays ou autres, et pour ce doivent estre assis iceulx sergeans d'armes6 devant sa face pour promptement exécuter son bon plaisir et commandement. Et, au regart des huissiers d'armes, le duc a bien vingt quatre servans par termes, dont les uns servent à garder la chambre des chevaliers, autres à garder la chambre des escuiers et autres à garder la chambre du conseil. Et doivent iceulx huissiers faire place devant le prince quant il va de lieu à autre ; ilz doivent garder la sale où il mange, et aller et venir où il leur commande. Hz adjournent gens au conseil, soit devant le chancellier, chambellan ou mareschal; ilz exécutent toutes choses ordonnées par le conseil.