Trois mots omis

à telz gaiges que a coustilier1 armé; et dessoubz ung chascun homme d'armes y a trois archiers à cheval ; et d'abondant2 pour chascun homme d'armes y a trois hommes de pié armez, arbalestriers, coleuvriniers et picquenaires ; ainsi sont huit combattans pour chascune lance ; mais les gens de pié ne sont pas gouvernez par les gens de cheval.

Et pour gouverner icelle compaignie qui monte à dix huit mille combattans, à prendre les conducteurs, lieutenans et autres archiers, qui sont oultre le nombre, huit combattans pour lance, et sont iceulx payez et comptez tous les jours à la souldée3 du prince par la main du trésorier des guerres, je monstreray, par la conduite de cent lances, comment se gouvernent tous les autres, et semblablement ceux de pié. En chascune cent lances y a ung conducteur soubz qui respond icelle compaignie ; et se nomme conducteur, pour ce que le duc veult estre seul capitaine de ses gens, et en faire et ordonner son bon plaisir. Et pour ensuivir ce propoz, parlerons de la forme et manière comment le duc crée les conducteurs, et puis après de leur conduite ; et m'en abregeray le plus que je pourray, pour ce que le duc Charles, qui a ses ordonnances mis sus, a labouré en sa personne si notablement, et fait mettre par escript les ordonnances de sa guerre si bien, si notablement, et a tous mystères4 esclarci en

1. Soldat armé de la coustille qui était une sorte d'épée pointue, à deux tranchants, moins longue que l'estoc.