Suivre

pagnie des seigneurs que, comme dit est, vindrent avec elle d'Engleterre , en especial monseigneur de Scalles, et nos seigneurs de ladicte Thoison d'or. Et après madicte dame xm haquenées richement parées de drap d'or cramoisi dont on menoit les deulx en main, et les aultres chevauchoient lesdictes dames d'Engleterre. Et si avoit chine chariots dorez moult richement et couvers, esquelz estoient les dames desditz pays, desquelles mondit seigneur avoit mandé largement à ladicte feste.

En tel estât se partit madicte dame de ladicte porte à laquelle neantmoings l'estoient et bien prèz du Dam venu querre les nacions qui sont audit Bruges, c'est assavoir Florentins, qui vindrent premiers, Espagnars, Osterlings1, Venissiens et Jenevoys en grant honneur. Mais ilz vindrent en ladicte ville après ledit estât pour mieulx abregier. Et s'en vint madicte dame, passant lesdictes rues qui estoient tendues de tous riches draps et décorées de verdures et fleurs habondamment. Et si estoient entre ladicte porte et ladicte court en divers lieux assises dix grandes louables histoires, desquelles je feroy declaracion pour tant qu'elles estoient servans audit mariage et fondées en saincte escripture.

La première histoire prouchaine de la porte estoit comment Dieu conjoingnoit Eve et Adam au paradis terrestre selon Genèse.

La seconde, devant les Jacoppins, estoit moult excellente. G'estoit comment Cleopatre fut donnée en mariage à Alixandre. Et si avoit escript en latin au destre costé : Alixander rex, obtenta Victoria super Deometrium regem, ad regem Ptolomeum Egipti regem