Pour Auxois

Item, audevant de ladicte haulte table estoit le dressoir dont ou chappitre du disner est faicte mention, sans estre plus grant ne plus petit. Ainsi ledit bancquet disposé, aprez laver s assist mondit seigneur, madicte dame à ladicte haulte table, le légat, l'evesque de Mes, l'evesque d'Utrecht, monseigneur Adolf de Gleves, monseigneur de Scalles, la duchesse de Nortfollc, madamoiselle de Bourgoingne, madame d'Arguel, madame de Montigni, madame d'Arssy, la vicontesse de Furnes, et les aultres seigneurs et dames aux aultres deulx tables, tous meslez Englois et aultres, tant que tout estoit plain. Ce fist chascun grant chiere. Et ne fault pas demander comment toutes manières de menestrelz faisoient devoir. Et quant ce vint à la fin, entra dedens ladicte salle une licorgne grande et bien artificielment faicte, sur laquelle seoit ung lupart tenant à une pâte banerolle de mondit seigneur, et à l'autre une marguerite, de laquelle devant la table il fist à icellui seigneur présent.

Après ladicte licorgne retraicte entra ung lion, dedans lequel estoient deux chantres chantans une chanson qui disoit : Bien viengnant la cloulce bergiere. Si fist ledit lion son tour et puis s'en retourna.

Tiercement et derrenier entra ung dromedaire chargié de deux panniers plains de volille1 menue, et ung homme dessus , lequel prendoit d'un pannier et d'aultre dragie qu'il jectoit, et aussi lesdictes volilles jectoit voiler parmi ladicte salle, qui fut bien plaisant. Lequel dromedaire retrait, ledit bancquet fina et commencha la dansse, laquelle finée on prist vin et espices,

\. Volaille, oiseaux.

et envers trois heures après mienuit on s'en ala coucher.

Les aultres bancqués, festes et esbatemens seront our pour jour déclarez en l'autre traictié du fait des oustes et tournoy qui se feront journellement tant que es nopces dureront.

Touchant le fait des joustes qui furent aux nopces de monseigneur le duc dont la feste s'entretint par l'espace de neuf jours, elles furent entreprises par monseigneur le bastart de Bourgoingne soubz umbre du commandement d'une dame qui se nomme de Ville cellée, laquelle, pour certaines causes ad ce mouvans, avoit requis audit chevalier trois choses, est assavoir qu'il se volsist trouver pour amour d'elle en une jouste où cent et une lanches fussent rompues sur lui, ou qu'il les rompist sur aultre ; après qu'il se trouvast en ung fait d'armes, où cent et ung cops d'espées fussent par lui férus ou qu'on les ferist sur lui; tiercement, que ung arbre d'or qu'elle lui bailleroit, qui estoit en son trésor, fust par ses fais encores plus enrichi et plus noblement décorés qu'il n'estoit. Ce lui bailla ledit arbre d'or et ung poursuivant nommé ainsy Arbre d'or, et pour les dictes armes regarder ung jayant1 qu'elle avoit prisonnier, qui se nommoit le jayant de la forest doubteuse, lequel jayant est par ladicte dame baillié à conduire tout lyé à ung nayn qu'elle avoit, et aussi audit nayn lesdictes armes à regarder pour lui en faire record. Etaffin que mieulx lesdictes armes se peussent acomplir en la très noble maison de Bourgoingne que ledit chevalier avoit eslevé pour ce faire, ladicte dame

\. G-éant.

de File celée en rescripvitau duc, en lui requérant que icelles armes volsist souffrir publier et acomplir, desquelles lectres la teneur s'ensieult :

« Très excellent et très victorieux prince, je me recommande humblement à vostre bonne grâce, et vous plaise sçavoir, très excellent prince, que comme des diverses parties du monde nouvelles vont et courent en pluiseurs lieux, est venu à ma cognoissance comment ung noble chevalier, mon serviteur et de singulière recommandacion de vous, nagaires doit avoir prins son accès par devers vostre très noble et très haulte seignourie. Et ce à cause et en espoir de soy povoir deschargier en vostre très fameuse maison d'aulcunes haultes et glorieuses emprises et charges peult estre à lui enjointes et dont le exécution, telle qu'il plaira à Dieu lui en garder, il en est en sa merchi et en l'actente de son adventure non congneue, dont et affin que vostre très clere et très renommée haultesse soit et puist tant mieulx estre informée et advertie de la nature de cestui cas, ensamble de la qualité et estât dudit noble chevalier et de la cause de son louable et courageux emprendre, ou de son venir vers vous, j'envoye présentement par devers vostre haultesse ung mien herault, nommé Arbre <Tor, à tout ces présentes par lesquelles de vostre grâce et soubz vostre princial bénigne humilité povez clerement et tout au vif comprendre et estre infourmé de ceste matière. Très excellent prince, ce chevalier droit cy comme après longs et divers voyages par les diverses parties du monde, et après multitude de haulx et louables fais et prouesses en armes, adventure l'ait mené finablement devers moy à ma grant joye, qui par ung cruel et

inhumain tyrant longuement ay esté persécutée, deshiretée et destruite et menée à misérable desolacion toute confuse, advint lors que lui, meu ung jour de noble et vertueulx esperit et de singulière compassion en mon triste cas, tendant à soy esprouver en vertueuse œuvre caritable et à moy relever de ma ruyne par sa diligence, se rendi à moy, me requist de retenance et d'entretenement en ma désolée maison, et après foy présentée et promise de loyaulment me servir, me prommist aussi et jura soubz mon plaisir perpétuel contendement pour venir à ma grâce, laquelle, au prix de son noble et francq corraige, et à la mesure de mon honneur, tant que je povoie et dévoie licitement, je lui accorday, et, considérant ma basse, desconfortable fortune et les estrois dangiers esquelz je me trouvoye, glorieuse fille de Roy, le retins mon serviteur par condicion telle, que tout en chief et premièrement il se mettroit en paynne et assay de moy délivrer et relever hors de la cruelle main dudit jayant, ramener ma personne en sa franchise, et mes terres et possessions remettre et relever hors de sa tyrannie, de laquelle chose toutes fois, louengeàDieu, en peu de temps après tellement le regarda et compleut que de son hault emprendre il en parvint en glorieuse fin, et de son valereux exécuter j'en ay tiré l'effect de ma desirance, dont jamais n'en sera heure que je ne soye son obligée, et que je ne labeure en ma pensée comment je lui polray satisfaire à son condigne dont1. Et comme ce noble chevalier, en mon regard

1. On avait lu jusqu'à ce jour : Condigue, dont et comme, etc., ce qui n'a aucun sens.

rv 8

tant personnaige comme de meurs, et par ses haulx et singuliers fais que je perceus en lui, me sembloit digne encores avecques œvres passées d'amonceler encores et d'actraire devers lui le sourplus de Ponneur du monde, et de venir en la cognoissance de tous les meilleurs, je lui requis, et pour le magniffier tant plus, qu'en la plus chevaleureuse maison de la terre il feist tant que cent et une lanches feussent rompues sur lui ou que lui se meist en assay de les rompre, et autant de cops d'espées par arroy de bataille l'un contre l'autre, laquelle chose faicte et emprinse à faire luy tourneroit et poulroit tourner, ce lui dis je, en grant avancement de sa ricquesse. Gomme doncques , ce second point déclaré, je désirasse tousjours plus et plus gloriffier encorres et grandir ce noble chevalier et le pourveoir d'aulcune singulière retribucion pour bénéfice receu de lui, m'avisay d'un arbre d'or que j'avoye et lequel, pour decoracion de la future emprinse en aulcune glorieuse maison, jeconcluds de lui mettre en main par condicion telle, que ly de toutes ses vertus et vigueurs se doneroit traveil de le moy rendre plus digne encores et plus précieux que receu, dont et de la richesse et de la dignité là où il la vouldra trouver, je m'attendoye bien à luy, croyant véritablement que ce feroit il de plus précieuse estoffe que de milles gemmes. Or est ainsi, très excellent prince, que comme renommée porte ce noble chevalier droit cy, sur et devant toutes crespiennes1 maisons a choisi et eslevé la vostre, et a conclu, comme j'entens, de mon arbre d'or en vostre chevalereuse court gloriffier droit et grandir