Espèces de filets

dictes joustes et aux bancquetz pluiseurs ne fussent habilliez de riches vestemens d'orfavrie, de brodure, de pierrie, de riches draps, de houssures, de harnas de chevaulx ung jour l'un, aultre jour l'aultre, et pareillement aux bancquets et aux danses, meismes mondit seigneur le duc et monseigneur le bastart et leurs paiges chascun jour nouveau, et en ensievant les aultres princes et seigneurs. Pensez que chascun se monstroit dont je m'en passe de la déclaration, excepté du fait des armes et ce que y servoit.

Le jour dessusdit, après le tournoy, on avoit préparé à court ung bancquet qui fut bien gracieux. Premièrement on avoit dressié ung riche dressoir garny de riche vaisselle, et, sur les trois tables de la grant salle dont aultre fois j'ay fait mencion, y avoit assis xxx arbres de chire l portans de toutes manières de fruits ; autour de la racine desditz arbres la viande mise dont il y avoit xx mes de cuisine, et pour les entremets y avoit personnaiges d'hommes et de femmes entresemez qui portoient J'un en une hotte, l'autre en ung chapiau, l'autre en son geron, fruiteries et espiceries, lesditz personnaiges pains de fin or, de fin argent et azur très richement. Et devant monseigneur, à sa table, y avoit une tour sur quoy estoit ung homme tenant ung dart, et de ladicte tour comme d'une fontaine partoit eaue rose très habondamment. Et dedens l'un des chandelers pendans à miroir dont j'ay parlé au premier bancquet y avoit ung dragon en la roche qui gettoit feu, et de ladicte roche respandoit eaue et feulles de roses sur les gens. Item, devant