LETTRE D'OLIVIER DE LA MARCHE AU COMTE DE NEVERS

A haut et puissant prince et mon très redoubté seigneur monseigneur le Comte de Nevers et de Retel.

Haut et puissant prince et mon très redoubté seigneur, le plus humblement que je puis je me reeogmande à vostre noble grâce ; et vous plaize savoir, mon très redoubté seigneur, que les materez dont nous parlamez vous et moi sont à ce menéez par desà que s'a nous ne tient la matere prendra bonne ysue. Vous estez fort amé et désiré par desà, comme vous dira monsieur de Vilarnoul, porteur de cestez, qui à son pouvoir se montre vostre cerviteur, et me samble, monseigneur, et à seux qui bien vous veullent, que vous ne devez prendre aultre chemin que cely quy vous dira pour le bien de ladite matere. Hault et puissant prince et mon très redoubté seigneur, je ne vous escris aultre chose fors que je prie à nostre seigneur quy vous doinct bonne vie et longue et voz haultx et noblez désirs accomplir. Escrit à Rruselle, le vu d'octobre, de la main

Votre très humble cerviteur,

Olivier de la Marche.