Chaperon

leurs lieux aler à l'offrande. Et sachiez que les raamelus l n'y furent pas appeliez jusques au mercredy que on leur fîst leur deposicion et le dimence aux vespres. Et le lundy à la messe vindrent en habis noirs de la façon des premiers. Le mardy ensievant vindrent en blans habis de satin, et aux vespres en leurs premiers habis sans manteau. Le mercredy à la messe vindrent en communs habis. Le dimence ensievant fut fait l'office de saint Andrieu. Le second jour des trespassez; et quant vint à l'offrande pour ceulx qui estoient trespassez, offroit Thoison d'or à tout une chandeille ardant et au retour l'estaindoit; les autres offroient pour eulx et pour ceulx desquelz ilz estoient commis procureurs. Le tiers jour [fut fait l'office] de Nostre Dame et le derrenier du Saint Esperit. Après venoit le duc vestu comme les dessus nommez avec les autres chevaliers dudit ordre, et estoient tous leurs manteaulx batus en or par dessoubz d'un piet de hault, etc.; mais selon la plume les oiseaulx.

Mondit seigneur le duc d'Austrice, etc. Devant l'offertoire proclama Thoison d'or les filtres d'un chascun selon l'ordre dudit Thoison pour aler à l'offrande eulx ou leurs procureurs, et n'appelloit pour les trespassez ne lesmamelus comme dit est. Après fu appelle :

Très hault et très puissant prince Jehan, Roy d'Arragon et de Navarre, trespassé. Nulz ne offri pour lui.

1. L'adjectif mamelu signifiait ordinairement, dans la langue du moyen âge, celui ou celle qui a de grosses mamelles, et, au figuré, qui est bien fourni. Ici, il semble désigner les chevaliers qui avaient trahi le chef de la Toison en échange de grands biens ou avantages.

Très hault et très puissant prince Edouart, Roy d'Angleter et seigneur d'Irlande, pour lequel se présenta monseigneur de Roman, et offry.

Très hault et très puissant prince Fernande, Roy de Napples. Pour lui offri monseigneur de Nassou comme procureur.

Très hault et très puissant prince Fernande, Roy de Gastille, de Lyon et de Sezille, etc. Pour lui offri monseigneur de Ravestein.

Anthoine de Groy, seigneur de Porcien. Nul ne offri pour lui, car trespassé.

Le Besque de Lannoy, seigneur de Molembays, trespassé. Nul ne offry pour lui.

Jehan de Melun, seigneur d'Anthoing. Pour lui offry monseigneur de Lannoy.

Jehan, duc de Gleves, conte de la Marke. Pour lui se présenta monseigneur de Ravestein.

Jehan de Neufchastel, seigneur de Montagu, subget naturel de mondit seigneur le duc, etc., chief et souverain dudit ordre, etc., lequel s'est aie rendre en France, et tenant parti contraire à mondit seigneur sans avoir renvoie le colier, ne gardé les status dudit ordre qu'il a juré. Il a esté jugié hors d'icellui ordre et déclaré inhabille de jamais plus porter ledit colier, etc.

Jehan de Lannoy, comparu personnellement à toute la feste en habit comme dessus.

Messire Phelippe Pot, seigneur de la Roche et de Nolay, [subget naturel de mondit seigneur le duc], chief et souverain dudit ordre, etc., s'est aie rendre au Roy, etc. Et à ceste cause a esté privé dudit ordre et déclaré inhabile de jamais plus porter ledit colier, etc.

Messire Anthoine, bastard de Bourgoingne, conte de

la Roche en Ardenne. Attendu que mondit seigneurie duc et autres chevaliers dudit ordre ne sont encores au vray informez s'il a delaissié à porter le colier d'icellui ordre, ne pris autre ordre, ne aussi comment il est traictié depuis son retour de prison, a esté dit par lesdits de l'ordre que son fait sera remis au futur chapitre dudit ordre de la Thoison d'or.

Loys de Bruges, seigneur de la Grutuze, conte de Wincestre et prince de Steehuse. Pour lui se présenta messire Josse de Lalaing.

Messire Adolf, duc de Gheldres, trespassé.

Messire Phelippe de Crevecuer, seigneur d'Esquerdes, [subget naturel de mondit seigneur le duc], souverain du noble ordre de la Thoison d'or, lequel a esté nourry dès son enfance en la maison de Bourgoingne, et par cy devant a esté commis à la garde de pluseurs bonnes villes et places pour feux de très noble mémoire les ducs Phelippe et Charles de Bourgoingne, que Dieu absoille, assavoir : Abbeville, Boulongne, le Crotoy et autres, et que plus est estoit capitaine gênerai de Picardie, etc., et lequel avoit fait le serementet juré de les garder sans les mettre en autruy main, et au contraire de ce les a rendues au Roy et lui fait le serment, et avec ce a délaissée à porter ledit colier dudit ordre de la Thoison d'or, en mal recongnoissant les grans biens et honneurs qui lui ont par cy devant esté fais par lesdits ducs Phelippe et Charles, et, qui plus est, s'est mis et a fait guerre ouverte contre les pays de par deçà en livrant bataille devant la Viefville, car il estoit lors chief et capitaine de l'armée du Roy de France, en commettant par ce et autrement faulse trahison et desleauté, pour lesquelles causes, à

grande et meure deliberacion , il a esté au chapitre dudit ordre présentement tenu, etc., privé et débouté dudit ordre, jugié et déclaré inhabille et indigne de jamais le porter. Et s'il eust esté présent audit chapitre, autre et plus grande correction lui eust esté déclarée selon ses mesmes demerittes et maléfices. Et pour donner congnoissance à chascun de ses dits maléfices, a esté ordonné et déclaré par mondit seigneur le duc, etc., et mesdits seigneurs les chevaliers frères et compaignons dudit ordre que le tablet de ses armes mis et posé à la présente feste au cuer de l'église collégiale dudit Bois le Duc sera hosté de la place où il a esté posé et sera porté, mis et actachié au grant portai de ladicte église, et ses armes reversées et mises à reboux. Fait que dessus.

Messire Adolf de Gleves, seigneur de Ravestein, comparu personnellement pour lui tout durant la feste.

Messire Jacques de Lucembourg, seigneur de Richebourg. Combien qu'il ait esté prins en exploix de guerre honnorablement et pour la querelle et deffense de ma très redoubtée dame Marie, fille légitime et héritière de mondit seigneur le duc Charles, chief et souverain dudit noble ordre de la Thoison, à présent femme et compaigne de mondit seigneur d'Austrice, etc., neantmoins, depuis sa liberté de prison, lui qui est chevalier dudit ordre, n'a pas seulement fait serment au Roy de France, leur adversaire, mais a delaissié de porter le colier d'icellui ordre de la Thoison d'or sans le rendre ou renvoyer, et a receu et porte publiquement l'ordre dudit Roy de France, s'est monstre en armes avec les ennemis de mondit seigneur, en exploit de guerre, et a receu par don et auctorité d'icellui Roy à son prouf-

fit villes, places, terres et seigneuries appartenant à mesdits seigneur et dame et à leurs leaux vassaulx et subgectz, pour quoyila estéjugié hors d'icellui ordre, et déclaré inhabille pour jamais cy après plus le porter. Fait que dessus.

Englebert, conte de Nassou et de Viende, seigneur de Breda, y fu en personne pour lui.

Messire Jehan de Damas, seigneur de Clessy, se vous estiés en vie, veu et considéré les grans biens et honneurs que avez receuz en la maison de Bourgoingne, mesme de feu mondit seigneur feu le duc Charles, et les estrois services par vous fais audit ordre quand chevalier, frère et compaignon d'icellui, vous avez esté notté de pluseurs faultes souffisantes à vostre privation dudit ordre, mais l'on a présentement esté acertené de vostre trespas, parquoy l'on délaisse le jugement à Dieu, nostre souverain juge.

Messire Guillaume, seigneur d'Egmonde, y fu personnellement durant la feste.

Josse de Lalaing, seigneur de Montigny, y vint personnellement.

Jacquet de Lucembourg, seigneur de Fiennes. Pour lui fist les hommaiges messire Josse de Lalaing.

Phelippe de Savoye, conte de Baugey et seigneur de Bresse. Monseigneur de Romant, comme procureur, fist debvoir pour son frère.

Phelippe de Groy, conte de Chimay, viconte de Brimon et baron de la Baue. Pour lui ofiri comme procureur monseigneur de Lannoy.

Jacques de Savoye, conte de Romond, seigneur du pays et de Leuze, y fut personnellement.

Welfart, conte de Grant Pré, seigneur de la Vere ;

pour lui se présenta et offri comme procureur mondit seigneur de Nasso à toutes seremonies.

Phelippe de Bourgoingne, seigneur de Beure. Monseigneur de Nasso se présenta pour lui et fîst les hommaiges.

Jehan de Bubempré, seigneur de Vendue1. Nul ne comparu pour lui. Il est trespassé devant Nanssy.

Pierre de Lucembourg, conte de Saint Pol, de Linoy, de Bryane, de Marie, et seigneur d'Enghien. Pour lui offry monseigneur de Nassau.

Messire Bettrement (ou Vettremien) de Lickestein2. Pour lui se présenta comme procureur messire Guillaume d'Egmonde.

1. Jeau de Rubempré est toujours qualifié : seigneur de Bièvres.