Cuisiniers

table pour le premier jour où tous les chevalliers portans l'ordre présent doivent seoir et le chief au millieu d'eulx. Et doivent les fourriers avoir regard et enquérir quant chevalliers de l'ordre sont presens pour seoir à celle noble table. Et doit estre la table couverte d'une grande nappe à ce ordonnée, laquelle le trésorier de l'ordre doit garder. Et doivent faire diligence ceulx de la panetterie de recouvrer icelle nappe en temps et lieu au trésorier de l'ordre pour en couvrir et parer icelle table. Et doibt estre icelle table parée d'ung riche tappis à manière d'un doseret qui doit estre si grand qui doibt couvrir toute la table et tous les chevalliers de l'ordre estans à ce noble disner. Et si doibt avoir au millieu d'icelluy dosseret ung aultre plus riche dosseret pour couvrir le chief et le prince d'icelle noble ordre. Et doivent estre les tappissiers songneux et diligentz de tendre la salle de riche tappisserie, de mettre bancquiers et de tendre iceulx dosseretz dessus escriptz.

Or, avons nous la grand table parée pour celluy jour. Et plus baz doibt avoir une autre table à la main senestre du chief où se porra seoir quatre personnaiges seullement, assavoir les quatre officiers de l'ordre, comme le chancellier, le trésorier, le greffier et le roy d'armes. Et est nécessité de préparer ung buffet honnorablement, lequel buffet doit estre devisé et à la guise du garde des joyaulx, pour ce qu'il scet quelle vaisselle il peut mettre en monstre et comment il le veult logier. Et doit estre le fourier soingneux de livrer audit garde [des] joyaulx charpentiers et ce qu'il luifault pour préparer ledit buffet. Et doit estre ledit garde des joyaulx adverty de longue main du jour et

du temps de la solempnité pour recueillir et préparer la vaisselle, tant pour la parure du buffet comme pour le service de la salle. Et si fault en celle salle une longue table pour les officiers d'armes, pour seoir xx ou xxx personnes à deux costez. Et devant et tenant à icelle table du costé de la grande table doit avoir à manière de potence une table pour asseoir quatre personnaiges, les visaiges tournez vers le prince, assavoir deux huissiers d'armes au millieu de ladite table, leur baston d'huissier emprès eulx, et es deux bouts de la table doit avoir assiz deux sergens d'armes, chacun sa mâche couchée sur la table d'emprès luy. Et ce point a esté ordonné anciennement et qu'ilz doivent regarder le prince, affin que s'il se faisoit chose en la salle qui fut à reprendre par le commandement du prince, sans autre mandement ilz ont puissance et auctorité de mettre la main et faire prisonnier l'offenseur, quelque grand qu'il soit et de quelque estât qu'ilz soient. Et doibvent estre serviz iceulx officiers deux et deux et les heraulx quart et quart et de moyen service. Et appelle on cette table la gallée1 delà salle, et n'y peult seoir nulz officiers sans son baston, ne nulz officiers d'armes sans sa coste d'armes.

Nous avons devisé des tables qu'il fault en la salle et qui sont nécessaires. Mais il me semble que pour ce premier jour devroit avoir encores une table à la main dextre du prince, où pourroient seoir les ambassadeurs venuz devers le prince, affin que plus à leur aise ilz puissent regarder et veoir l'honnesteté du ser-

1. Dans ses Gaiges de batailles, La Marche se sert de cette expression pour désigner une table à manger.

vice des chevalliers. Et doivent estre servys iceulx ambassadeurs, selon la quantité qu'ilz sont, semblablement que le prince. Et affin que je ne faice faulte en ceste ordonnance, se le lieu de la salle le peult porter, il doibt avoir au boult de ladite salle, regardant sur la grant table, ung hourt qui soit treillié, affin que la princesse et les dames puissent estre sur ledit hours et puissent veoir et non estre veues, s'il ne leur plaist, et par ce moien porront les dames regarder et veoir ladite solempnité. Et si doibt avoir tenant à icelle salle chambre ou lieu propice pour retirer la viande, affin qu'elle soit mise à proffit tant pour le service comme pour les povres.

Or, avons nous mis en ordre le fait des tables d'icelle salle pour le premier jour. Et fault encores préparer deux chambres et deux tables en chacune une. Et seront ces deux tables chacune pour deux plats de viande seullement : la première, pour les ambassadeurs, car le second jour ilz ne pourroient seoir en la salle, comme je diray cy après ; la seconde, pour festoyer gens de villes, prelatz et autres sourvenans, selon que le mettray en l'ordre, l'un point après l'autre. Et doit souffire quant à ce que j'ay devisé de toutes les tables qui sont nécessaires à servir à celle noble feste. Et maintenant est besoing que je declaire la préparation du service pour ce premier jour.

Il est apparent que vous aurez quinze ou seize chevalliers portans l'ordre presens à ce jour. Et est de nécessité et de coustume que vous ayez autant de platz que de chevalliers et que de officiers, car chacun doit estre servy à part soy selon la fondacion d'icelle ordre. Et pour ce que sus la grand table où tous les chevalliers

sont assiz pour celluy jour pourroient [faire] confusion de metz et de viandes, il semble qu'il souffit pour chacun plat six suytes tant pour les chevalliers que pour les officiers de l'ordre. Et je prens le service de la grande table à quinze platz, les services des officiers à quatre platz, chacun plat furny de huyt ou de six suytes. Et doit estre servi ce premier jour à quatre fois. Et pour continuer le nombre des platz, il fault icelluy jour ung plat de viande servy à quatre fois comme les autres , et ce , pour servir les dames qui seront sur le hourt regardant lafeste. Mais les maistres d'hostelz n'en seront en riens ensoingnié, pour ce que les gens de madame lèveront icelle viande et serviront sur le hourt de ce qu'il y fauldra. Et au regard de la gallée à potence, qui sera en la salle pour les officiers et heraulx d'armes, il se servira en petitz services par deux et deux et quatre et quatre. Et si est nécessité d'avoir encoires deux platz de viande en une chambre pour festoyer les quatre jours diverses gens selon qu'il sera advisé, et que iceulx ayent ung chief pour les recueillir et ung gentilhomme qui tiegne lieu de maistre d'hostel pour soingnier du service et de ce qu'il fault en icelle chambre. Et ainsi pour ce premier jour vous aurez xxmi ou xxv platz de viande, sans y comprendre le service des heraulx et les chantres qui doivent estre délivrez en viandes crues. Et n'est pas besoing que je declaire les metz et entremetz qu'il fault despenser à icelle feste, car il demeure à la discrétion des maistres d'hostel et en ordonneront selon les saisons et selon qu'ilz verront qu'il sera 'besoing. Et si est nécessité que pour chacun plat soit ung gentilhomme ordonné et devant lequel il doit servir, affin qu'il n'y ayt faulte IV \%

ou service, et celluy gentilhomme se furnira de serviteurs pour porter le nombre des platz ordonnez après luy. Et ainsi tous les autres, et les gentilzhommes et serviteurs des chevalliers ou officiers serviront de vin et autres choses nécessaires. Et me semble que j'ay assez devisé pour ceste fois de la manière du service, et au surplus nous reverrons point après autres comment se doibt continuer ceste noble feste jour après autres. Il est certain que ceste noble feste se doibt commenchier à la veille du jour prefix et ordonné, et doibvent aller les chevalliers à vespres ayans leurs manteaulx, chapperons et colliers de l'ordre au col; et doivent marchier deux et deux, après les quatre officiers de l'ordre qui doivent estre d'ung front. Et au regard des chevalliers, ilz doibvent marcher les premiers selon qu'ilz sont derrenierement entrez en l'ordre. Et pour tout ramentevoir, combien que j'en ay parlé, les chevalliers faiz en ung jour, celluy qui a esté plus anciennement chevallier doit précéder, et ainsi d'ordre en ordre. Et le chief doit marchier le dernier, son espée devant luy, ses sergans à mâche et ses huissiers à costieres. En ceste ordre marcheront à cheval jusques à l'église préparée pour tenir icelle solempnité, et viendront au cueur en celle règle, et chacun chevallier recongnoistra le tableau de ses armes et se mettra es formes à l'endroit d'icelluy tableau. Et là se diront les vespres sollempnelles, et ne fault point oublier que les prelatz voisins doivent estre mandez par le prince et à jour compétent, et auront leurs bancqz tapissez auprès de Phostel1 où lesdits prelatz seront revestuz et en