TESTAMENT D'OLIVIER, SEIGNEUR DE LA MARCHE
Au nom de la sainte et inséparable Trinité, le père, le fïlz et le Saint Esprit, amen. Par la teneur de cestuy présent public instrument soit notoire et évident à tous présents et à venir que le viije jour d'octobre, l'an de la Nativité Nostre Seigneur mil cinq cent et un, indiction un et en la première année du pontificat de nostre très saint père le pape Alexandre, par la divine Providence VI de ce nom, comparu en sa personne par devant nous notaires publics et les tesmoins cy-dessous escrits noble, vertueux, sage et puissant chevalier, messire Olivier, seigneur de la Marche, conseiller et premier maistre d'hostel de très haut, très excellent et très puissant prince mon très redouté seigneur Monseigneur l'archiduc d'Autriche, duc de Bourgongne, lequel comparant ayant regard, comme il disoit, à la fragilité de nature humaine, et qu'il n'est rien plus certain que la mort, ne moins certain que l'heure d'icelle, a, pour cette cause et autres à ce le mouvant, de sa propre, pure et franche volonté, et luy estant en son bon sens et vray entendement, fais, ordonné et constitué son testament et dernière volonté pour le proffit et salut de son âme en la manière qui s'ensuit.
Et premièrement, iceluy testateur a recommandé et doné son âme à Dieu nostre créateur, à la glorieuse Vierge Marie et à tous les saints et saintes de Paradis, quand elle partira de son corps, supliant nostredit Créateur qu'il luy plaise de sa bénigne grâce luy pardoner ses mesfaits et implorant la plénitude de sa miséricorde, et, au regard de son corps, il le livre à présent, combien que indigne, à la terre et sépulture de nostre mère Sainte Église pour y prendre pourriture et attendre le grand et espouvantable jour du jugement et la résurrection générale, espérant audit jour en la clémence et miséricorde de nostredit Créateur, et eslit sa sépulture en l'église de Saint-Jacques à Cardebengberghe en la bone ville de Bruxelles, lez la cour du prince, pour y estre mis sous une tombe de pierre -, et est d'in-
clx ANNEXES DE LA NOTICE BIOGRAPHIQUE.
tention de en ladite église ériger et ordonner quelque fondation pour faire dire messes, obils et prières pour le remède de son âme selon et ainsy qu'il advisera cy après et comme ses biens le pourront supporter. Et combien qu'il veuille estre enterré audit lieu de Saint-Jacques, toutesvoyes pour ce qu'il a chapelle en Bourgongne où ses prédécesseurs seigneurs de la Marche en Bresse sont enterrés, il a ordoné et ordone pour leur faire complaisance que, luy trespassé, son cœur soit mis en un coffret de plomb et porté en Bourgongne en saditte chapelle qui est située auprès de la Marche en un lieu appelé Villersgaldin, et veut sondit cœur estre mis devant le grand autel de laditte chapelle en façon que il puisse faire marchepied au prestre qui dira la messe, et que ses héritiers fassent faire une pierre sur laquelle le prestre aura les pieds en célébrant la messe, et à l'entour du bord d'icelle pierre, non pas au-dessus, mais en cottière seront mises quatre lignes qui s'ensuivent :
Pour marchepied, repos, passet et marche Soit bon le cœur Olivier de la Marche Au très digne prestre sainct et sacré Dont le Corps-Dieu est ce jour consacré.
Item, a ordonné qu'à le porter en terre soient douze pauvres hommes revestus de noir, tenants chacun en la main une torche armoyée de ses armes, pour à quoy survenir et aussy aux messes et aumosncs qui se feront pour ce jour, il a ordonné deux cent livres de quarante gros la livre, à les prendre sur les plus apparents biens en outre et pardessus la fondation qu'il entend faire esdittes églises de Saint-Jacques à Gambenberghe et chapelle de Villersgaldin.
Item, il a ordoné pour le remède de son âme et d'autres envers lesquels il peut estre tenu, que son héritier ou héritiers seront tenus en dedans un an après son décès fonder un Salve Regina en l'église parroissiale dudit Villersgaldin où il a esté baptisé, lequel Salve, ensemble la collecte à ce servant, se chantera à perpétuité une fois la semeine a tel jour que la Nostre- Dame de mars escherra pour l'année, à sçavoir à l'heure de complies et par trois personnes entre lesquelles du moins il y
ANNEXES DE LA NOTICE BIOGRAPHIQUE. clxj
aura un prestre. Veut aussy que sesdits héritiers fondent perpétuellement un cierge de cire qui sera allumé durant ledit Salve et non autrement, et que ledit Salve soit sonné par quinze coups de cloche pour inciter etesmouvoir les bones gens à celle dévotion, et que laditte fondation soit souffisante et comme il apartient, au cas toutesvoyes que faitte ne l'eust en sa vie, dont, se ainsy esloit, sesdits héritiers demeureront deschargés.
Item, a ordoné et ordone que sondit héritier ou héritiers seront tenus de en dedans un an après son décès fonder et amortir bien et suffisamment audit lieu de Villersgaldin, en sadite chapelle de la Marche, une messe de Requiem, avec vigiles et commendation, qui se chantera à perpétuité une fois Tan, à sçavoir à tel jour qu'il trespassera de ce monde, n'estoit que de son vivant il eut fait ladite fondation etadmortissement, auquel cas sondit héritier ou héritiers en demeureront deschargés.
Item, a doné et légué à noble, honneste et vertueuse dame, Madame Isabeau Machefoing, sa compagne, au cas qu'elle le survive, tous et quelquonques ses biens meubles qui seront trouvés es marches de par deçà à luy apartenants, ensemble tous les deniers qui leur sont deus par messires Thomas et Folque de Portinaire frères, comme peut apparoir par leurs lettres d'obligation, sans ce qu'en ladite debte aucuns des hoirs dudit testateur puissent quereller ou demander aucun droict, moitié ou autre portion, et ce, à cause que ladite debte procède de la part de sadite compagne. Et parmy ce, icelle ladite compagne ne pourra, après le trespas dudit testateur, demander aucun droict de douaire à ses héritiers de toutes les terres qui leur demeureront, ains sera tenue de y renonchier, réservés ceux dont il a disposé par cettuy son présent testament, réservé aussy assignations de gaiges, pensions ou autres obligations faittes en son nom, dont elle prendra une moitié et sesdits héritiers l'autre, nonobstant tous et quelquonques traittés et coustumes de villes ou pays et toutes autres choses faisants au contraire, auxquelles il a renoncé et renonce par exprès.
Item, a voulu et ordoné que sadite compagne, au cas qu'elle le survive, jouisse sa vie durant de la rente de cent et cinquante livres de quarante gros la livre qu'ilz ont chacun an sur la
Clxij ANNEXES DE LA NOTICE BIOGRAPHIQUE.
recepte générale de Haynault au rachapt de deux mille livres du prix comme dessus, sans ce que sesdits héritiers puissent en aucune chose quereller ou demander, ne luy baillier aucun destourbier ou empeschement, pourveu toutesvoyes que icelle sa compagne ne pourra vendre ne engaiger ladite rente, mais seulement recevoir le cours d'icelle sa vie durant; et après son trespas, il veut, ordone que saditte rente de cent et cinquante livres retourne plainement et entièrement à Charles de la Marche, son filz, et aux héritiers d'iceluy Charles procréés de son corps en léal mariage, et s'il advenoil que iceluy Charles de la Marche son filz allast de vie à trespas avant ladite dame Ysabeau Machefoing, sa compagne, sans délaisser hoirs procréés de sa char en léal mariage, comme dit est, en ce cas ledit testateur a ordoné que Jean de Lenoncourt, filz de sa fille, et damoiselle Gornille des Camps, niepce de sadite compagne, après le décès d'icelle sa compagne, joissent chacun an paresgales portions héritablement et à tousjours, eux et leurs hoirs, desdittes cent cinquante livres de rente et des deux mille livres du rachapt d'icelle, se aucun s'en faisoit, sans ce que les héritiers de saditte compagne puissent quereller ou demander aucun droict en laditte rente ou rachapt d'icelle.
Item, a ordonné que ledit Charles de la Marche joisse d'une descharge des deniers venants d'icelle montants à quatre mille deux cent vingt livres de quarante gros la livre, dont il est assigné par le Roy des Romains et mondit seigneur l'Archiduc son filz sur les pays de Bourgongne et ce à cause des services, gaiges et pensions à luy deues du temps qu'il fut premier maistre d'hostel du Roy nostre sire.
Item, veut et ordone que ledit Charles joisse d'une gaigière à luy faitte par le Roy et mondit seigneur sur le chastel et seigneurie de Chastelgirard au duchié de Bourgongne, montant à la somme de trois mille sept cent livres ou environ.
Item, touchant les debtes par luy faittes premier qu'il fut allié par mariage avec laditte dame Ysabeau, sa compagne, au cas que aucunes en fussent treuvées après son trespas, il a ordoné qu'elles soient et demeurent à la charge non pas de saditte compagne ou des héritiers d'icelle, mais de son héritier cy après nommé, lequel sera tenu les payer et entièrement
ANNEXES DE LA NOTICE BIOGRAPHIQUE. clxiij
supporter à sa descharge, sans toutes voy es desroguer aux gaigiers et autres points cy dessus escrits.
Item, a doné à sondit fîlz Charles de la Marche la maison qu'il a en laditte ville de Bruxelles, située devant l'Arque, pour en joir luy et ses hoirs perpétuellement et à tousjours après le trespas de laditte dame Ysabeau Machefoing et non autrement; devant lequel trespas ils ne pourront quereller aucun droict, ains seront tenus les souffrir plainement et paisiblement joir et user.
Item, a doné à saditte compagne et aux héritiers d'icelle une maison qu'ilz ont en la ville de Malines pour en disposer à son hon plaisir.
Item, a donné et légaté à sa fille Philippote de la Marche, vefve de feu Thierry de Charme, escuyer, et à présent femme de Philippes de la Noncoirot * , chevalier, seigneur de Loches, la somme de deux cent francs trente cinq gros, monnoye de Flandres, pour le franc, pour une fois, outre et pardessus ce qu'on treuvera luy estre deu à cause de son traittié de mariage fait avec sondit feu mary, pourveu toutesvoyes que partant saditte fille se tiendra pour contente et qu'elle ou ses hoirs ne pourront quereller aucun droict sur ses biens meubles, rentes, cens, héritages ne autres quelquonques quelque part qu'ilz soient situés ou gisants.
Item, en après ledit testateur a nommé et esleu de sa propre bouche son héritier universel à sçavoir ledit Charles de la Marche es seigneuries de la Marche, d'Esnay et de Chassé et en tout ce que esdittes terres et seigneuries luy compete et apartient tant de son ancien héritage comme aussy de tous acquestz qu'il a faits et peu faire, ensemble de toutes et quelquonques leurs appartenances et autres acquêts faits ou à faire, et généralement en tous et quelquonques bien meubles, immeubles, debtes et autres dont cy dessus n'est disposé ne faitte mention, qui luy competeront et apartiendront au jour de son trespas, à quelque titre, cause ou raison que ce soit ou peust estre, ne en quelquonque part qu'ilz soient situés ou assis, y compris aussy le chastel, terre et seigneurie dudit Cbastelgirard en Bour-
