Et allencontre

l'autre porte; et sont mises icelles requestes sur le banc devant ceulx qui les doibvent lire, et lisent tour à tour. Et le duc appoincte les requestes à son plaisir, et selon que le cas le requiert, et toutes les despesches avant qu'il parte de la place. Et pendant ce temps chascun se taist et tient ordre ; et, le tout achevé, s'en rêva le duc1 en sa chambre, et puis chascun en ses affaires.

Continuant la cause2 de la justice, le duc a ung prevost des mareschaux , fort acompaigné de compaignons de guerre ; iceluy prevost sert en temps de paix de faire les exécutions criminelles, et a par tout le pays du duc juridiction et povoir, et par toutes villes, excepté en l'ostel du duc, qui est en la juridiction des maistres d'ostel ; et sert icelui prevost pour les divers pays et les diverses seignouries qui sont en la main du duc. Car, ung cas criminel, meudre ou autre, faict en Brabant, le criminel ne pourroit estre poursuivy en Flandres ne en Haynnau, pour ce que les justices ne ressortissent point l'une à l'autre; et pareillement de pays en pays se sauveroient les malfacteurs. Parquoy a esté ordonné le prevost des mareschaulx pour aller partout, et a povoir du prince par tout3 ; et certes il a moult prouflfité depuis le règne du duc Charles ; car il a dechassié plusieurs vicieux 4 malfaiteurs, et a puny plusieurs cas mauvais, et dont raison vouloit punition. Et ou temps de la guerre, le prevost des mareschaulx, soubz l'auctorité du duc et soubz l'auc-