Sert Dieu, et luy mesme en prouiïite

charge. Là sont ordonnez deux prothonotaires de l'Eglise, grans seigneurs, et deux notables chevaliers ; et à ce bureau siéent iceulx quatre, en chief le maistre de la chambre aux deniers ; et celuy reçoit les appointerons pour la despence ordinaire, tant de bouche comme de gaiges, qui montent bien par an à plus de quatre cens mille livres. Là siet le trésorier des guerres, qui reçoit en sa main tous les appointemens de tous les gens d'armes tant de pié que de cheval, ordinaires et extraordinaires ; et monte par an l'ordinaire [à] huict cens mille livres, et l'extraordinaire communément à huict vingt mille livres ; et départ iceulx deniers aux clercs et commis dessoubz luy, pour en faire la distribution. Là siet l'argentier, auquel sont baillez les appointemens pour paieries dons des ambassades et voyages, le faict des habillemens et garderobe, et autres choses extraordinaires, et n'est pas chose que l'on sceust1 mectre en règle et en nombre ; mais je suis acertené que le duc Charles a despendu pour celuy estât seulement, chascun an, l'ung portant l'autre, plus de deux cens mille livres. Là siet le receveur gênerai, qui rend compte de toutes les receptes, et qui toutes viennent en sa main, et à qui les receptes particulières, toutes en gênerai, viennent à compte. Là est l'audiencier qui signe toutes manières2 des finances, et non autres; et ne siet à iceluy bureau sinon les dessus nommez. Là vient le duc bien souvent, et ne se cloent nulz comptes sans luy ou sans son sceu. Il signe de sa main tous appointemens de tous dons ; il signe tous comptes et tous rolles; il scet bien ce qu'il a vaillant et ce qu'il des-