CHAPITRE X

Comment le bon duc Philippe de Bourgongne gaigna plusieurs places en la duché de Luxembourg .

Ainsi ce noble pas fut achevé et soubstenu par le seigneur de Gharny et par ses compaignons, en chevaleureuse exécution d'armes, en grans pompes d'habitz et d'acompaignemens, et à grande, large et habandonnée despense de mangiers et de festiemens ; et pendant ce temps que le bon duc prenoit ses plaisances et honnestes passetemps, messire Nycolas Raoulin,sonchancellier, messireAnthoine, seigneur de Cry1, son premier chambellan, ne ceulx de son conseil, n'estoient pas oyseulx; mais practiquoient par conseil et par grant advis les expedicions des affaires du duc, et principalement des deux matières dont dessus est faicte mencion, c'est assavoir la response de l'em-