Et ainsi, désirant faire armes

gracieuses lettres adressant à messire Jaques de Lalain, entrepreneur, luy confessant qu'il l'avoit veu par aucunes fois combatre en icelluy pas, et qu'il l'avoit veu en si chevaleureuse contenance, et avec tant d'adresse, de force et de vertu de chevalier, que luy, entrepreneur, garde et deffendeur d'icelluy noble pas, enluminoit et eslevoit si haut la renommée dudit pas, qu'il desiroit, sur tous les biens qu'il povoit jamais acquérir, donner confort à la dame de Plours, estre du très heureux nombre des combatans en ceste emprinse, et soy esprouver à l'encontre de luy, que l'on tenoit et reputoit en toutes parts chevalier tout rempli de vaillance, de vertu et de grâce, luy requérant moult humblement qu'il luy donnast licence de povoir exécuter son emprinse; et luy faisoit ceste requeste avec plusieurs beaux et aornez motz, dont le chevalier estoit bien garni ; car ledit seigneur d'Espiry fut tenu de son temps l'ung des vaillans, saiges, plaisans et courtois chevaliers qui fust en Bourgoingne, ne que l'on sceust nulle part1; fut l'un des treze qui gardoient le pas à l'arbre de Gharlemaigne, avecques le seigneur de Gharny, comme il est escript en mon premier livre. Pour abregier, le bon chevalier de Lalain

1. Par lettres du 29 mars 1445 (v. st.) le duc donne 500 fr. à Aymé Rabustin, chevalier, seigneur d'Epiry, « pour consideracion de plusieurs services que icellui messire Amé lui a faiz le temps passé en ses guerres et armées et mesmement pour recompensacion de plusieurs pertes et dommaiges qu'il a euz, souffers et soustenuz esdis services de mondit seigneur et à l'occasion d'iceulx, pour lesquelx la basse court de l'une de ses places a esté arse, et si a esté, long temps a, par deux foiz prisonnier de guerre, dont il a paie pour sa rançon grans finances pour lesquelles il lui a convenu vendre et engager de sa terre.... » (Archives de la Côted'Or, B 1713, fol. 108.)

fut moult joyeulx, et luy accorda sa requeste, et luy donna povoir, de par luy, de donner congié semblable à six aultres nobles hommes, s'il en estoit requis.

Après que le chevalier mescongneu eut fait toucher la blanche targe comme le premier, vint au pavillon Savoye, le herault, vestu de sa cotte d'armes, et dit à Charrolois qu'il estoit là envoyé de par ung noble homme et luy avoit commandé de toucher les trois targes, et qu'il desiroit de sa personne accomplir l'adventure des trois targes, pour le secours de la dame de Plours. Ce qui luy fut accordé; et nomma son maistre, en ceste partie, Jaques d'Avanchies1, ung moult gentil escuyer de la duchié de Savoye. Le quatriesme fut Guillaume Basam2, ung escuyer bourguignon, et fît toucher la targe noire. Le cinquiesme fut Jehan de la Villeneufve, dit Passequoy, escuyer pareillement bourguignon, homme puissant et addressé, et fit toucher la blanche targe. Le sixiesme fut Gaspart de Dourtain3, ung escuyer de Bourgoingne, en celluy temps puissant et redoubté à merveilles, et fit toucher la blanche targe ; et le septiesme fut ung escuyer de Bourgoingne, nommé Jehan Pietois4, grant et puissant, lequel fit pareillement toucher à la blanche targe ; et furent appourtez les noms d'iceux sept audit messire Jaques, enregistrez comme ilz avoient premier faict toucher; et dont l'execucion fut telle qu'il s'ensuyt5.