Mot omis par les éditeurs précédents

veoit le cheval et le harnois parmy, et traignoit la couverte jusques à terre, laquelle couverte estoit portée et soubstenue par les quatre boutz par quatre josnes escuyers de douze à treze ans d'eage ; dont les deux furent les enffans de Blesey , nepveurs du seigneur de Couches dessusdit l ; et les autres deux furent filz du seigneur d'Espiry2, et furent vestuz iceulx enffans de robes longues de drap de damas blanc, et avoient chapperons à boureletz d'escarlate et la cornette verde; et pareillement et semblablement estoit habillé le chevallier, qui seoit sur la blanche haquenée, comme dessus 3 ; et ainsi chevaucha jusques en la lice, sa bannerolle de devocion en sa main, et se présenta luy mesme moult asseurement et s'en retourna en son pavillon, qui fut à manière d'une petite tente de satin blanc4, parée et aornée comme vous orrez cy après. Le chevallier requist cinquante cinq coups de hache, et furent les bastons livrez à Michault de Certaines, qui, pour ce jour, eust la charge de mareschal de la lice, et furent apportées les haches au seigneur d'Espiry pour choisir le premier, comme c'estoit la coustume ; et furent icelles haches ferrées, longues et pesantes, à grans dagues acérées dessus et dessoubs 5 ; et furent

1. Claude et Guillaume de Blaisy, fils de Claude, seigneur en partie de Blaisy, Brognon et Saint-Julien ; leur aïeul, Alexandre de Blaisy, avait épousé, le 7 novembre 1404, Catherine de Montagu, propre tante du seigneur de Couches.

2. Probablement Hugues et Cyprien de Rabutin, les deux fils aînés du seigneur d'Epiry.