Bottine de fer

5. Armoriée à ses armes : De gueules à une fasce d'argent, et trois rondelles de lance de même, et, sur ladite fasce, une étoile de gueules. {Ibid.)

la dague de la hache dudit messire Jaques ; et quant l'escuyer s'aperceut que le baston du chevallier estoit empiré, assaillit moult vigoureusement, et messire Jaques, qui moult fut asseuré en tous ses faictz, marcha plus près de son compaignon, et rabatoit l'assault de l'escuyer de si près, qu'il l'empeschoit de faire atteinte ne de l'ung des boutz ne de l'aultre ; et après plusieurs rabatz, messire Jaques gecta le bout rompu1 et fît atteinte au col du bassinet de l'escuyer. Mais rien n'en desmarcha ledit escuyer, mais continua la bataille entre eulx deux forte et dure, et tournoierent parmy la lice, chascun gardant sa place et l'advantaige du souleil, et ne sauroye dire ne juger que l'ung gaignast sur l'aultre un pied de la lice ; et finablement, après avoir longuement combatu, messire Jaques de Lalain gecta la main droite à la hache de l'escuyer et la print par le manche, entre la main senextre et le bout d'embas, et prestement gecta le juge son baston , et furent prins les champions et emmenez devant le juge ; et parla messire Jaques moult asseurement, en soy offrant de parachever, se faulte y avoit; et pareillement fut levée la visière de l'escuyer, et fut trouvé aussi fraiz que quant elle luy fut close, et parla promptement devant le juge en grant asseurance, et veoit on bien, à son parler, que l'aleine ne luy estoit guieres adommagée. Si touchèrent ensemble, et depuis furent bons amys, et se trouva despuis ledit Gaspart avecques ledit messire Jaques en la guerre de Flandres, et dont ledit messire Jaques se loua fort dudit Gaspart, comme nous lirons cy après ; et tant en dy à

1. « La dague et la virole de dessous churent à terre. » (Ibid.)

l'honneur de l'escuyer, que messire Jaques de Lalain me dit par plusieurs fois qu'il avoit trouvé et senti Gaspart de Dourtain homme à redoubter sur tous ceulx qu'il avoit unques combatu.

Le mecredy suyvant, qui fut le quatorziesme jour de septembre1, se présenta messire Jaques de Lalain pour la neufiesme fois en icelluy mois, et fut la dernière dudit mois et d'icelluy pas, et n'ay pas souvenance que ledit messire Jaques fîst unques puis armes en champ cloz. Et d'aultre part se présenta ung escuyer de la duchié de Bourgoingne, nommé Jehan Pientois2, et s'armèrent tous deux en leurs pavillons; furent les haches présentées pour ce que l'escuyer avoit fait toucher la blanche targe et avoit requis cinquante deux cops de hache3. Grys et cerimonies faictz, saillit l'entrepreneur de son pavillon, armé et paré des couleurs de la targe touchiée, comme il avoit accoustumé, et n'avoit ledit entrepreneur la jambe droite de riens armée. Et d'aultre part saillit ledit Jehan Pientois, armé comme en tel cas appertient, la cotte d'armes4 au doz, et son chef armé d'une sal-