Elisabeth de Gorlitz était morte le 3 août

3. « Que les voisins haussaires, rustres et pillars cessassent leurs courses et leurs pilleries. » — Haussaires, arrogants.

le duc que ceux de Tyonville n'avoient nulle bonne voulenté envers luy ; et pour ce alla le duc à Lucembourg, et renouvela leurs seremens, et tousjours leur laissa Cornille, son filz bastard, qui les gouvernoit et tenoit en moult bonne justice, et les gardoit et garantissoit de toutes foulles de voisins. Et manda le duc en Bourgoingne le seigneur de Toulongeon, messire1 Claude et Tristan de Toulongeon, frères, lesquelz luy menèrent cent lances de Bourgoingne ; et le duc emmena le conte d'Estampes, pour lors gouverneur de Picardie, Anthoine, bastard de Bourgoingne, le seigneur de Saveuses, le seigneur d'Emeryes 2, et aultres, qui emmenèrent environ mille arcbiers de Picardie ; et alla le duc en armes, et toute sa maison; et la duchesse et le conte de Gharrolois demourerent à Brucelles, attendant la venue du duc, qui demoura environ trois mois ; et pendant ce temps la contesse de Boucquan 3, fille du Roy d'Escosse, accouscha d'ung filz à la Vere en Zeellande ; et alla le conte de Gharrolois lever l'enffant, et eut dur et merveilleux temps en la mer. Mais il estoit à son désir ; car il aymoit et desiroit les batteaulx et la mer, et ne luy sembloit nulz ventz ne nulle fortune dangereuse ; et se congnoissoit, de son propre art naturel, au gouvernement des batteaulx. Et ainsi se passa le temps jusques au retour du bon duc, son père. En celluy temps faisoit le Roy Charles la guerre en Normendie, laquelle guerre le Roy chauldoya moult fort et moult asprement, par grant sens et par grant

i. « Et envoya le duc en Bourgogne, vers messire. »