Gonnétablies, compagnies, escouades

de la court du duc, qu'il avoit emmenez avecques luy ; et d'aultre part envoya le duc à Audenarde messire Symon de Lalain, seigneur de Montigny, et le seigneur d'Escornetz1, qui estoient aymez et congneuz en Audenarde ; et. pour asseurer plus le peuple, y menèrent iceulx deux seigneurs leurs femmes et leurs mesgnies2 et avoient3, de leur charge, bien soixante lances et trois cens archiers, qu'à pied qu'à cheval 4 ; et certes tout le peuple et tous les bourgeois d'ancienneté ont esté bons et loyaulx pour leur conte et seigneur, comme plus à plain se peut veoir et lire pour toutes les croniques par avant escriptes. Moult joyeulx furent ceulx d'Audenarde, quand ilz veirent que le duc leur envoyoit tels deux notables personnaiges, pour les aider et deffendre centre les ennemis. Et se pourveurent d'armures et d'artilleries, et de tant que mestier leur estoit, sans y riens espargner ne regrecter.

Or lairrons à parler du duc et de son appareil, et reviendrons aux Gantois et à ce qu'ilz feirent ; et peut on ligierement entendre que ce peuple, esmeu et desreiglé, estoit parmy Gand en merveilleux nombre,

1. Arnoul de Gavre, seigneur d'Escornaix. — Escornaix, baronnie au territoire d'Alost, près Audenarde, qui a appartenu aux Lalaing.