Moyennant

sant fort la ville et les habitans ; et leur sembloit que grant tort leur estoit faict que prestement on ne leur livroit la ville à faire leur plaisir ; et le lendemain ils feirent un pont sur l'Escault, entre ladicte ville et le villaige de Hainne1, qui sied au plus près dudit Audenarde, et par ce pont passèrent bien quinze mille combatans, et allèrent assiéger la porte par où l'on va à l'Isle et à Tournay . Si trouvèrent ladicte porte bien pourveue d'artillerie et pouldre, et d'arbalestes ; parquoy ilz ne peurent mectre leur siège si près de ladicte porte qu'ilz eussent bien voulu ; et ainsi se logèrent les Gantois devant Audenarde, et mirent leur siège deçà et delà; et par deux pontz qu'ilz feirent sur l'Escault au lieu dessusdit, ilz pouvoient secourir et ayder les ungs les aultres, et se cloïrent et fortiffierent, de chascun costé, de fossez et de paliz ; et sembloit à veoir leur contenance que jamais ne se deussent lever, pour chose qui leur advinst, qu'ilz n'eussent la ville à leur bon plaisir ; et ne feit pas à demander si mcssire Symon de Lalain travailloit pour la seureté de sa garnison et de son honneur ; et pour pourveoir à l'assault de cestuy orgueilleux peuple, si fit crier que toutes femmes apportassent pierres et cailloux sur les murs, et, pour exemple, fit venir une noble dame, sa femme, et seur germaine du seigneur d'Escornetz, et plusieurs nobles femmes, ses parentes, et aultres, et tout ce jour portèrent hottes et paniers, les unes sur leur doz et aultres sur leurs testes ; et toutes aultres femmes, bourgeoises et marchandes et aultres, y accoururent; et devez sçavoir que moult bien furent, et en

1 . Heyne, à une demi-lieue d'Audenarde, sur le chemin de Gand.

peu de temps, les murailles et les deffenses garnies et estoffées de ce qu'il y falloit1 . Or lairrons nous ung peu le siège d'Audenarde et retournerons au duc et à son armée, et deviserons comment il deppartit sa dicte armée aux deux costez de la rivière de l'Escault, et ce qu'il en advint.