Walerand de Soissons, seigneur de Poix et de Moreuil

seigneur de Rubempré 1 , le seigneur de Oevecueur2, le seigneur du Bois3, Jehan, seigneur de Miraumont, Robert et Pierre de Miraumont, frères*, et moult d'aultres nobles hommes, et croy que ce jour furent faictz plus de deux cens chevalliers 5.

Or vous compteray du noble chevallier messire Jaques de Lalain, qui ne queroit et ne entendoit à faire et exécuter de sa main que œuvre chevaleureuse. Si regarda faire les chevalliers nouveaulx et leur remonstra qu'il estoit à celle heure lieu et temps de gaigner honnorablement leurs espérons dorez et qu'il avoit choisi ung endroit sur les ennemis que la closture estoit de petite force, et le fossé peu profond ; et que combien que les Gantois fussent grant peuple à celluy costé, si tost qu'ilz verroient que l'on leur courroit sus asprement, ilz n'oseroient la place tenir; et que bien heureulx seroient s'ilz pourroient rompre la presse de ce peuple, et qu'il vouloit estre avecques les nouveaux chevalliers. A ce s'accordèrent iceulx chevalliers, qui furent tous bien montez et armez, et suivis chascung d'ungvarletà cheval seulement. De celle compaignie fut le seigneur de Bausignies, le seigneur de

1. Antoine II, seigneur de Rubempré, prit en effet part à la guerre de Gand, mais il avait été fait chevalier à Pont-Audemer (Beaucourt, sur d'Escouchy, t. II, p. 559), et ne figure pas sur la liste de ce dernier auteur, p. 396.