Cfr. Chastellain, loc. cit., p

2. Lautens de Gand, qui cherche toujours à diminuer les prouesses des Bourguignons, dit qu'on peut faire le trajet en quatre heures.

aborda, ilz estoient jà rassemblez plus de huict cens hommes de pied à une enseigne de Nostre Dame, et disoit on que c'estoit le mestier des tisserandz. Archiers mirent incontinent pied à terre de l'aultre part du grand chemin ; et, selon qu'ilz abordoient, ilz se mettoient en bataille, et certes je regarday bien à loisir la contenance desditz Gantois; mais ilz estoient si effrayez et si desreiglez, que peu se mirent en ordonnance pour combatre1, mais par monceaulx ; et si tost que les archiers se trouvèrent deux cens à terre, ilz crièrent : « Noslre Dame, Bourgoingne ! » et coururent sus aux Gantois, moult fièrement; et les Gantois, pour toute deffense, s'enfuyrent par la maladrerie et par le fauxbourg, contre Gand; et bien le pouvoient faire, car ilz furent assailliz sur costiere, parquoy ilz avoient le chemin de la ville à leur commandement. Les hommes d'armes commencèrent à approucher et les gens d'armes à cheval ; et dura la chasse et la tuerie des Gantois jusques aux portes de la ville, et plusieurs furent dedans les derrenieres barrières et par dedans les maisons du fauxbourg de la maladrerie. Plusieurs Gantois estoient mussez soubz les lictz et es chambres, planchiers et celliers, chascun qui mieulx mieulx, pour garantir sa vie ; mais les archiers et gens de pied charchoient les maisons et les prenoient et occioient sans mercy et sans rançon 2 ; et n'est pas à doubter que la

1. Meyer cite cependant la vaillance d'un boucher, nommé Corneille Sneysson, qui, blessé aux deux jambes et tombé sur les genoux, ne cessa pas de combattre d'une main, tandis que de l'autre il tenait sa bannière, jusqu'à ce qu'il fût tué.

2. Les Gantois ou leurs alliés perdirent « au lever du siège d'Audenarde, » dit Chastellain, loc. cit., p. 250, bien deux mille hommes.

ville de Gand ne fust en grand effroy de ceste chose. Sonnèrent leur beffroy et coururent à la porte à moult grant nombre de gens , et le duc de Bourgoingne, le conte de Gharrolois, son filz, et toute la bataille se mirent en ordonnance au moulin à vent dessusdit, en attendant ceulx qui chassoient les ennemis ; et estoit jà basse vespre, et bien tart quant tous furent revenuz et rassemblez. Si prit le duc conseil qu'il estoit de faire, et fut conseillé d'aller à Gavre, pour essayer se ceulx de la place se vouldroient rendre au duc pour l'esbaïssement du siège levé, et fut toute nuict quant le duc y arriva; et se logea chascun sans grant ordre pour celle nuict, les ungs es maisons, les aultres es jardins et es champs, et toute nuict tirèrent ceulx du chastel sur nos gens1, et par le villaige, de canons et de serpentines, dont ilz estoient bien pourveuz, et ne voulurent ne ouyr ne parlementer. Et le lendemain bien matin, le duc fit sonner les selles ; et fut envoyé messire Robert de Miraumont et messire Pierre , son frère, accompaignez de deux cens archiers, le chemin de Gand, pour sçavoir se les Gantois estoient point yssuz, et le duc s'en retourna le droit chemin de Sainct Adrian de Grantmont, et là se logea et y demoura par aucungs jours.

Sur la fin d'avril, le duc et le conte, son filz, se tirèrent à Audenarde ; et, le premier jour de may, le conte d'Estampes, le seigneur de Ravastain, le bastard de Bourgoingne, messire Anthoine le bastard, le seigneur de Haulbourdin et plusieurs aultres cappitaines firent une course devant Gand2 et vindrent assez matin