Difficiles

ses gens ; et d'aultre part le seigneur de Gimay rallia les archiers et vint, à la couverte des hayes du villaige, donner sur costiere de ses ennemis. Si fut marchié sur eulx bauldement, d'ung costé et d'aultre ; et combien que les Gantois eussent grant ordre et grant vouloir, touteffois si se mirent ilz prestement en ronpture et desconfiture. Et furent gaignez leur chariotz et artillerie, dont ilz avoient assez emmené avecques eulx, et se continua la chasse loing et longuement. Le duc de Bourgoingne, qui fut de l'aultre part de la rivière1, ouyt le hu et la noise qui se faisoit à l'escarmouche d'une part et d'aultre. Si entendit que les premiers avoient à besongner2, et se bouta en une petite naselle, luy et son fils, le conte de Charrolois, et sonnepveur le duc de Cleves, et messire Gornille, bastard de Bourgoingne. Et passa l'eaue, et, selon que les gens d'armes passoient, ilz les faisoient mectre en bataille, pour soubstenir ce que besoing faisoit. Et tousjours passoient gens d'armes à force et à puissance ; et chassa le conte de Sainct Pol jusques à ce que le seigneur de la Hauverdrie 3 et aultres luy certifièrent qu'ilz avoient veu les Gantois entreras barrières et fermetezde Gand4. Et certes les Gantois perdirent celluy jour bien deux

1. Du côté du Brabant. Il ne faisait, dit Chastellain, qu'arriver à Rupelmonde.

2. Il était alors quatre heures de l'après-midi, et le duc n'avait encore ni bu ni mangé, parce qu'on était au mercredi et qu'il avait coutume de jeûner au pain et à l'eau ce jour-là et trois autres jours par semaine. (Chastellain, loc. cit., p. 300.)