Ghastellain rapporte aussi cette particularité, ch. xvn

« vous faict aujourd'huy vostre seigneur et prince ; et « luy soyez aujourd'huy bon chevallier et conduysez « vostre bannière à l'honneur de vostre lignaige. » Et fut ainsi le seigneur de Sains relevé en bannière ; et prestement se présenta messire Jaques, seigneur de Harchies, en Hainnault, et porta son pennon souffisamment accompaigné de gens d'armes, siens et d'aultres, qui l'accompaignoient. Geluy messire Jaques requit à son souverain seigneur, comme conte de Hainnault, qu'il le fist banneret en la seigneurie de Harchies; et, à la vérité, bien luy devoit estre accordé, car il estoit ung très vaillant chevallier de sa personne, et avoient luy et les siens honnorablement servi en toutes guerres. Si luy fut accordé; et fut faict banneret celluy jour le seigneur de Harchies. Et de ces deux bannières je faiz différence d'aultant que l'ung relevé sa bannière, et l'aultre entre en bannière; et tous deux sont nouveaulxbannerets celluy jour, comme dit est; et ay voulontiers ceste chose escripte affîn que ceulx qui après viendront saichent ce que j'ay apprins et comprins des cérémonies appartenantes à noblesse, pour en cuillir le fruit et laisser le mauvais. Ainsi se firent chevalliers et bannières ; et le conte de Charrolois faisoit chevalliers en sa première bataille, et apprenoit œuvres de prince à faire. Là feist il chevallier Jehan de Rosymboz, seigneur de Formelles, son second chambellan , et Beaudoin de Noyelles , son maistre d'hostel , et moult d'aultres dont il ne me souvient. Le conte d'Estampes et messire Anthoine, bastard de Bourgoingne, tenoient une moult grosse arrière garde, ainsi que sur costiere, pour joindre et pour secourir se besoing faisoit ; et, comme dit est, sur l'avant garde

cheut l'escarmouche, et se trouvèrent les Gantois en moult grant nombre. Si commencèrent trompettes à sonner, artilleries à pouldre de toutes pars à tirer, et archiers à huer, à marcher, et à tuer1 de moult grant couraige ; là s'avança messire Jaques de Lucembourg chevaleureusement, sur ung coursier bon et puissant ; mais le cheval fut abatu soubs luy par les Gantois, et y eust de grands armes faictes à le secourir et rescourre. Fièrement fut la première poincte combatue ; et les Gantois ne peurent le traict ne le faiz des gens d'armes porter ne souffrir ; et se misrent à la fuyte et desroy, et se misrent les dereniers et seconds à fuyr, de l'effroy des premiers. Advint que messire Cornille, bastard de Bourgoingne, quant il veit les Gantois branler, se desroba de la bataille où il estoit avecques le duc, son père, et fut suivy des josnes gens de sa chambre en petit nombre, comme Jaques Dorsan2, Pierre Chenu, Thierry de Charmes, Jehan de Longchamp, et peu d'aultres; et vint passer le chevallier à ung passaige, si rencontra les Gantois à grosse flotte, qui s'enfuy oient ensemble et serrez. Si ne regarda pas le noble chevallier ne quel nombre ne quels gens, mais coucha sa lance et les rompit, et en abatit plusieurs de celluy rencontre ; et fut suyvi couraigeusement des nobles hommes dessusditz. Mais ainsi advint que fortune, qui a les yeulx bandez, et qui ne congnoist ne ne veult grant ne petit congnoistre, ains de sa perverse condiction et propriété irraisonnable ressemble l'aigle ou l'oiseau de proye qui se fiert parmi les coulombs, et ne quiert ne demande que des meil-