Cfr. Chastellain, loc. cit., chap. xix, p

devant Morbecque l ; mais il trouva que les Gantois avoient fortiffié le villaige, qui est cloz de marestz et de marescages, et avoient encloz en leur fortification l'abbaye de Los2 en Flandre, qui est une grosse abbaye de l'ordre de Gisteaulx, et n'avoit que une entrée bien barrée, et fossillée de grands fossez et de pertuis tout à l'entour, à manière de piesges, pour garder que l'on n'y peust approcher à cheval ; et s'estoient les Gantois de là environ retirez en ce lieu en grant nombre, et le gardoient et3 deffendoyent d'artillerie et de puissance. Si ne fut point le conte conseillé d'assaillir le villaige, et4 s'en retourna, luy et sa compaignie, moult grevez de la chaleur. Et le lendemain y fut envoyé le conte de Gharrolois, noblement et puissamment accompaigné du duc de Cleves et aultres princes et seigneurs5 ; et certes la chaleur du jour fut si grande et si extresme, que je veiz pescher l'eaue trouble aux sallades, et boyre l'eaue d'ung fossé, et le puiser jusques à la boue ; et moururent gens et chevaulx de chault, comme le premier jour. Le conte vint devant Morbecque, et trouva le lieu fort et gardé, comme il est dit dessus. Si fut prins conseil par les princes et seigneurs ; et furent tous d'opinion que l'on s'en retournast, sans aultre emprinse faire pour celle fois ; et pensoient et pesoient la personne du conte et sa première course0. Mais le jeune prince tenoit opi-

1 . Moerbeke, ville de la Flandre orientale (Belgique), à 20 kil. de Gand.