MÉMOIRES D'OLIVIER LE LA MARCHE

que le roy d'armes de Flandres fut envoyé à Gand pour porter la trêve, seellée, faicte et requise à leur requeste par les embassadeurs dessusditz ; et tandis que l'officier d'armes alloit parler à ceulx qui la ville gouvernoient, un grant nombre de garsons et de peuple, sans conseil ou aultre commission, prinrent le varîet du herault, qui pourmenoit ses chevaulx, et sans respit, confession ou aultre cérémonie, l'allerent pendre et estrangler, au contrevenge de la mort de leur coutelier, dont cy dessus est escript1. 0 noble et ancienne gantoise puissance, pucelle triomphant devant le povoir des haultz Roys et princes, par ta police, gouverne et magnificque obéissance, est aujourd'huy en grant péril ta gloire, ton renom et ton pucelage, qui est ou povoir et soubs les mains de ribaultz, pillars et gourmans, norriz et empoisonnez de vices, sans vergongne , entendement ou raison , comme il appert au cas advenu présentement recité, et dont je plains la paine des lisans, pour la honte des facteurs ! Les tresves criées et faictes, le duc et son armée s'en retourna, cessa de faire la guerre, ordonna ses garnisons à Audenarde, Courtray, Allost et en tous les voisinaiges de Gand, rompit au surplus son armée, et envoya les gens d'armes en leurs hostelz, et print son chemin par Teremonde, où il ordonna le bastard de Bourgoingne, bien accompaigné. Messire Adolfde Cleves fut à Courtray, attendant que le mareschal de Bourgoingne fust venu avecques les Bourguignons, se

et M. de Barante. (Voy. leurs noms dans Barante, édit. Gachard, t. II, p. 105, note 2.)

1. Cfr. J. du Glercq, liv. II, chap. n, édit. Michaud. Cet incident n'eut pas de suite, le héraut ayant été respecté.

besoing faisoit. Le seigneur de Cimay, grant bailly de Hainnault, fut ordonné en Hainnault, et messire Jaques de Lalain à Audenarde. Le seigneur de Sains et Anthoine de Wisoc furent à Allost; et Loys, seigneur de la Gruthuse, se tenoit à Bruges, cappitaine de la ville, qui moult prudamment se gouverna, à l'honneur et prouffît du duc et au gré du peuple. Et le duc de Cleves s'en retourna et remmena les Glevois en son pays. De Teremonde vint le duc à Brucelles, là où il trouva la duchesse et les dames1. Si recommença on à faire chieres et festiemens ; car le bon duc fut prince joyeulx et envoysé2 plus qu'aultre. Et de là, tira la seigneurie à l'Isle3.

Ou mois d'aoust se tenoit le conseil et le parlement pour la paix au lieu de l'Isle, par les embassadeurs du Roy, entre les commis du duc de Bourgoingne et les depputez de Gand. Mais finablement ils n'apointerent et ne firent aucune chose; et se partirent lesditz depputez, sous umbre d'aller remonstrer au peuple de Gand aucuns pointz qu'ilz n'avoient pouvoir de passer ou accorder, comme ilz disoient ; et laissèrent l'ung des messagers de Gand seullement pour garder leur logis ; mais au jour qu'ilz avoient baillé de revenir, ilz ne revindrent point, ne ne mandèrent aucune chose. Parquoy les embassadeurs du Roy de France, veans leur obstinacion et voulenté perverse contre leur seigneur, donnèrent sentence par grant advis et deliberacion, où furent comprins les pointz cy escriptz. Premièrement, condampnerent iceulx