Axel

à un boulovart qui n'estoit pas encoires parfaict, et l'assaillirent si fièrement que l'on cuyda, telle fois fut, qu'ilz le deussent emporter et gaigner. Si fut renfort baillé pour ledit boulovart garder, et furent Gantois reboutez à leur honte et perte ; et à la deffense dudit boulovart fut tué ung escuyer de la ville de Gand, nommé Lie vin d'Estelam1 ; mais combien qu'il fust Gantois, il n'en tenoit point le party, et avoit esté norry paige du duc, et estoit en son service et en celle garnison, pour sa première armée, avecques Jehan de Bosquehuse, e^ Philippe, bastard de la Viesville, qui avoient esté norriz ensemble ; et fut cestuy assaut le treiziesmejour de novembre2.

Ainsi se partirent les Gantois de devant Allost, à peu de prouffit, et s'en retournèrent à Gand ; et assez tost après, les Gantois saillirent de leur ville, et vindrent à puissance brusler Harlebecque et autres villaiges au plus près de Gourtray. Les nouvelles vindrent au duc de Bourgoingne, qui estoit à l'Isle, que les Gantois estoient aux champs et brusloient son pays. Si fit partir à toute diligence messire Adolf de Gleves, son nepveur, qui pour lors estoit devers luy, et ce qu'il peust finer et lever de gens d'armes, tant