CHAPITRE XXVII

De plusieurs escarmouches et rencontres entre le duc de Bourgongne, comte de Flandres, et les Gandois.

Or deviseray je de l'an cinquante trois et des adventures d'icelluy, en continuant mon œuvre et ma matière, qui vault bien d'estre parseverée. Et fut vray que l'an cinquante trois, le troisiesme1 jour d'avril après Pasques, Pierre Moireaul dessusdit, soy vuillant venger du reboutement que luy fit le bastard de Bourgoingne à sa première conduicte des Gantois, assembla desdits Gantois tant et si largement qu'il en pouvoit finer, et marcha de rechief contre Teremonde ; et croy qu'à celle heure n'y estoit point le bastard de Bourgoingne, mais estoit à court devers le duc. Si fut messire George de Rosimbos, seigneur de Fillaines, adverty, lequel estoit lieutenant du bastard de Bourgoingne ; et feit entrer au boulovart d'oultre l'eauc trois cens archiers et cinquante hommes d'armes, et apprester l'artillerie ; et les Gantois marchèrent moult fièrement et vindrent de tel couraige que, pour doubte du traict à poudre, ilz ne laissèrent qu'ilz ne veinssent