En partit avec son fils

5. Schendelbeke. — Herlebecq, d'après J. du Clercq, liv. II, ch. XLVI.

furent encloz en ladicte place bien deux cens Gantois ; et assez près de là y avoit une autre tour petite, close d'eaue, en laquelle tour1 s'estoient retraïctz environ vingt compaignons. Et tandis que le mareschal de Bourgoingne ordonnoit le siège et les approuches, aucungs adventuriers furent advertiz d'icelle tour et des Gantois retraïctz en icelle. Si leur fut prestement livré l'assault par plusieurs hommes d'armes, qui prestement entrèrent au fossé et commencèrent à assaillir ; et les Gantois se deffendirent moult hardiement. Les archiers tiroient flèches si dru et si souvent que les Gantois povoient à grant peine venir à leurs deffenses ; mais nonobstant ilz se deffendoyent asprement. Les hommes d'armes estoient en lieu tous armez, qu'ilz ne leur povoient rien faire, si non recevoir les coups de pierres et de bricques que leur ruoient lesditz Gantois; car en la tour n'avoit qu'une entrée d'ung huys très estroit, hault en la tour, bien cloz et bien serré. Si fut une eschelle apportée et dressée devant la porte, en intencion de ïa rompre ; et le premier qui monta dessus fut Jaques de Fallerans, ung moult vaillant escuyer, et monta jusques à la porte ; mais, par une fente, ung Gantois luy donna si grant cop d'une picque, qu'il le porta jus de l'eschelle et l'abatit tout plat au fossé : mais il fut par ses compaignons tantost relevé et n'eut aultre mal ne blessure. Si monta incontinent l'eschelle Estienne de Sainct Moris, cousin germain dudit Jaques de Fallerans. Il avoit l'espée au poing et monta jusques au plus hault, et contendoit de copper ladicte picque dont ledit Gan-

\. Mot omis par les précédents éditeurs.

tois deffendoit moult fièrement la porte. Plusieurs cops d'aguet et d'avis 1 rua le Gantois de la picque, pour cuyder l'escuyer atteindre, qui se soubstenoit vaillamment et contendoit d'entrer en la tour et de gaigner l'entrée à son povoir. Mais le villain, qui combatoit à son advantaige, rua un cop de toute sa force, atteindit ledit escuyer au visaige et luy perça la jouhe et la teste en costiere , et porta l'escuyer ou fossé , tel atourné que l'on cuydoit qu'il fust mort. Finablement l'assault dura si longuement que le seigneur de Montagu et aultres cappitaines vindrent à l'assault ; et fut deffendu que plus nully ne montast l'eschelle pour ce que trop grant desadvantaige avoient les assaillans; et fust l'eschelle ostée, et fît on apporter largement paille ; et soubstenoient les hommes d'armes, à leurs lances, les faiz de la paille liez et allumez de feu, parquoy l'on brusla ladicte porte. Et tandis ung escuyer, nommé Jehan de Florey, leva l'eschelle d'ung aultre carre2 de la tour, et du bout d'une hache mina tellement les bricques de la tour qu'il y fît ung troul si grant qu'il valoit ung nouvel huys ; et quant les Gantois, qui avoyent deffendu plus de trois heures, se veirent ainsi pressez de toutes pars, ilz monstrerent signe de parler, et finablement se rendirent à voulenté et furent mis es mains du prevost des mareschaulx, et depuis penduz à ung arbre3.

Ainsi fut le siège mis devant le chastel de Scandelbecque, la tour prinse ; et se logea le duc, les princes

1. Coups donnés à l'embuscade, à vue de nez. D'aguet, loc. aclv. encore employée au xvie siècle par Régnier et Brantôme.