Au regard des

murailles fort empirées. Mais en faisant icelle bapture, il advint que par ung matin messire Adolf de Gleves, le bastard de Bourgoingne et aultres jeunes seigneurs allèrent visiter l'artillerie et une bombarde nommée le Bergiere, qui moult bien faisoit la besongne; et se tenoient pavesez1 et couvertz du mantel de celle bombarde. Et vint celle part le bon chevallier messire Jaques de Lalain, et advint que ledit messire Jaques2 se tira hors de la couverte, et voulut regarder du convive3 de la place et de la baterie, et se bouta derrière deux tonneaux plains de terre, et par dessus avoit deux pavais4 dressez. Le chevalier estoit grant, et regarda entre les deux pavais, et à ce moment ceux du chastel boutèrent le feu en ung veuglaire5 qu'ilz avoient nouvellement affusté au plat de la porte. Si fut la fortune telle, que la pierre rompit les deux pavais, et assena le noble chevallier en la teste et luy emporta tout le front, depuis le nez en sus, et cheut mort le chevallier à la terre6 ; et de ce cop et douloureuse atteinte n'oublia pas Fortune sa diverse nature, qui est telle qu'elle ne peult souffrir les fleurs ne les fruictz sur la terre souvent venir à meurison ou prouf-