Jean Fox

n'une si bonne place, et leur dist qu'il vouloit estre le premier au front de la bataille, et les asseura moult de la victoire. Si fut le peuple ligier à esmouvoir et saillirent hors de la ville de Gand en deux compaignies, dont en la première compaignie eust vingt cinq mille hommes esleuz et nombrez, sans les gens de cheval, Angloix et aultres, et conduisoit les chevaucheurs d'icelle première compaignie ledit Jehan Ost pour les Angloix, et ung jeune homme gantois, nommé Jehan van Nielle, pour lesditz Gantois; et avoient canons et serpentines à chariots et artillerie à pouldre assez et largement- Après iceulx saillirent une grosse compaignie de gens où il povoit y avoir vingt mille hommes et plus. Geulx saillirent sans ordre et sans commandement, et marchèrent après les premiers, comme une arrière garde1.