Mot omis dans les éditions précédentes

à petit effroy, que les Gantois estoient yssus de Gand pour venir combatre leur seigneur. Si courut chascun aux armes, et fut ordonné messire Symon de Lalain pour aller au devant à cinquante chevaux, pour veoir leur convive. Ce qu'il fît bien, et de leur estât et maintien fit ce jour par plusieurs fois sçavoir, comme celluy qui bien le savoit faire et qui se congnoissoit au mestier. Ordonnances furent faictes. Et premièrement print l'avant garde place, que conduisoit le mareschal de Bourgoingne et le seigneur de Gimay, et furent avecques eulx de grans seigneurs et de grans personnages de Bourgoingne, de Picardie et de Hainnault; et furent d'icelle avant garde envoyez devant, comme sur ung aelle, à la main dextre, les seigneurs de Beauchamp et d'Espiry qui avoient à charge cent lances1 de Bourguignons ou environ. A la main senestre, tirant à la rivière de l'Escault, fut ung aultre aelle de environ mille archers de pied, et les conduisoit messire Jaques de Lucembourg2. Et entre ces deux compaignies estoit un conte de Petite Pierre3, Allemand, qui estoit venu servir le duc en icelle armée, qui avoit cent chevaux et non plus, tant hommes d'armes comme cranequiniers. En l'avant garde furent bannières desployées, et toutes enseignes et parures, à qui mieulx mieulx; et plus derrière estoit la bataille, où estoit le duc de Bourgoingne, le conte de Charrolois, son fils, le conte d'Estampes, messire Adolf de Gleves, messire Jehan de Coymbres, le bastard de Bourgoingne et moult d'aultres grans personnaiges. Là furent ban-