Louis Le Jeune, seigneur de Mourcourt, puis de Contay

chargé de campanes dorées, messire Evrard de Digoine, couvert d'orfavrerie , messire Jehan de Guistelle4, couvert de menu vair, messire Philippe de Lalain, couvert de velours noir à larmes d'or2, avecques plusieurs aultres jousteurs très bien en poinct3. Mais de leurs cops ne sçay je point l'extime. Touteffois je sçay de vray que le chevalier au Signe et Loys du Chevalart s'entre rencontrèrent si rudement, que tous deux s'entre portèrent par terre, leurs chevaulx sur leurs corps tel atornez qu'il fut force à l'un et à l'aultre de abandonner la jouste pour ce jour.

Des entremectz qui furent trouvez au bancquet. — Du demourant je me tayz4. Ghascun fit de son mieulx de la jouste qui faillit par traict de temps, et quant elle fut faillie, chascun se retraïct. Puis à heure convenable se trouvèrent en une salle, en laquelle mondit seigneur avoit fait préparer ung très riche bancquet ; et là vint mondit seigneur, accompaigné de princes et chevaliers, dames et damoiselles, et trouvans ledit bancquet asouvy5, ilz se prindrent à regarder les entremectz, qui ediffiez y estoient.

La salle où ce bancquet se faisoit estoit grande6 et