Jean de Chassa, dit le Benetru

dehors, et mondit seigneur le bastard le prix de dedans ; et donna ce jour mondit seigneur le duc le bancquet à toutes les dames en son hostel1.

Entre deux et trois heures après minuyct, mondit seigneur et sa compaignie se partirent de la place où ce bancquet fut faict, et se retraict chascun en sa chascune2. Et pour ce que je sçay bien que plusieurs ont cscript de celle feste, et que chascun ne peult avoir tout, veu, et pourroit on dire que j'en parle bien largement, et affin que l'on saiche que la manière de mon récit et enregistrement est vray, je l'ay fait visiter par monseigneur de Lannoy3 et par Jehan Boudault, principaulx gouverneurs des choses dessus escriptes, et par les maistres d'hostel de mondit seigneur le duc; et après leur visitacion faicte, seelée de mondit seigneur de Lannoy, je l'ay osé communiquer. Si supplie très humblement mondit très redoubté et souverain seigneur monseigneur le duc dessus dit, et à tous ceulx qui liront ou oyront ceste chose, qu'ilz vuillent mon ygnorance pardonner, et qu'ils prestent leurs oreilles à escouter partie des veuz qui furent faictz à cause de cestuy bancquet4.

1. Mathieu d'Escouchy a omis ce paragraphe presque tout entier, sauf le prix offert au comte de Gharolais et le cri de Montjoye.

2. C'est ici que s'arrête le ms. Baluze, ainsi que Mathieu d'Escouchy. La première de ces relations a placé immédiatement après la liste des seigneurs et des dames la déclaration faite par Olivier de la Marche et qui suit. Quant à Mathieu d'Escouchy, il l'omet complètement.